Son illərdə satışa çıxarılan “Apple”ın yenilənmiş “iPhone”larının satışı yeni iPhone satışlarına rəğmən artmağa davam edir. Belə ki, son vaxtlar yenilənmiş iPhone-ların satışında ciddi artım müşahidə olunur. Counterpoint Research-in hesabatına görə, Apple yenilənmiş smartfon bazarında əvvəlki illə müqayisədə 5% artım göstərərək 56% paya çatıb.
Maraqlısı budur ki, smartfon bazarında bazar payı cəmi 3% artıb, yəni istifadəçilər getdikcə yenilənmiş iPhone-ları seçirlər. Bunun ən böyük səbəbi qiymətlər hesab olunur. Tələb o qədər yüksəkdir ki, dünya miqyasında yenilənmiş iPhone-ların orta satış qiymətinin 2023-cü ildəki 445 dollardan 2024-cü ildə 394 dollara düşmüşdü. İnflyasiya və artan yaşayış xərcləri istehlakçıları daha sərfəli seçimlərə sövq etsə də, digər kritik amil iPhone-ların təklif etdiyi uzunmüddətli performansdır. iPhone 16 seriyası yeniliklər gətirsə də, köhnə modellər hələ də bir çox istifadəçi üçün kifayətdir. Hətta iPhone 11 Pro Max kimi cihazlar əsas funksiyaları yerinə yetirməyə gəldikdə hələ də güclü seçimdir.
Apple tərəfindən təklif olunan uzunmüddətli yeniləmə dəstəyi də insanları köhnə telefonları seçməyə təşviq edir. Məsələn, iPhone 11-in ən azı 2026-cı ilə qədər yeniləmələri almağa davam edəcəyi gözlənilir. Digər tərəfdən, Android dünyasında işlər bir az fərqlidir. Google Pixel seriyası yeddi illik yeniləmə dəstəyi təklif edərək barı qaldırsa da, Qualcomm-un yeni elan etdiyi proqramı səkkiz ilə qədər yeniləmələr təqdim edəcək. Ancaq bu, bir neçə marka ilə məhdudlaşır və tamamilə istehsalçıların ixtiyarındadır.
