Bir müddət kosmosda olan SpaceX Polaris Dawn komandası bu gün içində olduqları Crew Dragon ilə Yerə geri qayıdıblar. Daha əvvəl SpaceX ilə kosmosa çıxan milyarder Jared Isaacman, hərbi pilot Scott Poteet və SpaceX mühəndisləri Anna Menon və Sarah Gillis tarixi missiyanı problemsiz başa vurublar.
Şirkətin Crew Dragon kapsulu Beynəlxalq Kosmik Stansiyadan 3 dəfə yüksəkliyə qalxaraq rekord qırmağı bacarıb. O cümlədən SpaceX Polaris Dawn komandası arasında yer alan qonaqlar dünyada kosmonavt olmadan kosmosa çıxan ilk sıravi insanlardır. Jared Isaacman və Sarah Gillis Crew Dragon-un qapısını açaraq kosmosda yürüyüş ediblər. Bu isə özəl kosmik şirkətlərin tarixində bir ilk olaraq qeydə alınıb. Prosesdə SpaceX-in “EVA” adlı yeni nəsil skafandrından istifadə edilib və şirkətin açıqlamasına görə, yeni kostyumda heç bir problem olmayıb. TRISH və BioServe Space Technologies də daxil olmaqla bir çox araşdırma qurum və təşkilatının köməyi ilə həyata keçirildiyi açıqlanan missiya, 10 sentyabrda Falcon 9 raketi ilə kosmosa uçmuşdu.
Elon Musk keçən həftə Polaris Dawn missiyasının əsas məqamlarını bölüşmüşdü. Belə ki, bu missiya daxilində yüksək hündürlük yəni İndiyə qədər çatılmış ən yüksək yer orbiti hədəf alınacaqdı. Yekun olaraq isə bu hədəfə çatılıb. Habelə, missiya daxilində Kosmos uçuşlarının və radiasiyanın insan sağlamlığına təsiri ilə bağlı araşdırmalar aparılıb, Yerdən təxminən 700 km yüksəklikdə kosmos yürüşü keçirilib. Polaris Dawn komandası kosmosda lazer əsaslı Starlink rabitə sistemini sınaqdan keçirən ilk ekipaj olaraq da tarixə keçib. Məhz bu missiyadan sonra sıravi insanların kosmosa ziyarət etməsi arta bilər.
