Google, axşam saatlarında maraqlı bir təqdimatla ən yeni məhsulları olan Google Pixel 8 və Pixel 8 Pro modelləri üzərindəki pərdəni qaldırdı. Bu iki flaqman model smartfon təcrübəsini yenidən müəyyənləşdirməyi vəd edən qabaqcıl xüsusiyyətlər və yeniliklərlə istifadəçilərə təqdim edildi. Ən diqqət çəkən tərəfi isə sektorda ilk dəfə Google şirkətinin bu seriya ilə birlikdə Android cihazlar arasında 7 il Android yeniləməsi dəstəyi verməsi oldu.
Google Pixel 8 müasir dizayna, cızıqlara və dağılmalara davamlı materiallara malikdir. Pixel 8 Pro isə cilalanmış alüminium çərçivəsi və arxa şüşə olan material ilə hər şeyi bir addım daha irəli aparır. Eyni zamanda əlinizdə premium hissiyat yaradır. Ən məyus edici tərəfi cihazların 7 ay əvvəldən sızdırılması idi. İndi isə gəlin cihazlara daha yaxından nəzər salaq.
Hər iki telefon demək olar simmetrik çərçivəli və olduqca dairəvi hissiyata malik displeylərlə təchiz olunub. Pixel 8 modeli 1080 x 2400p təsvir ölçülü 6,2 düymlük düz OLED ekrana malikdir və 428 PPI ilə canlı vizual görüntülər təqdim edir. Cihaz eyni zamanda dinamik 60-120Hz yeniləmə sürətini dəstəkləyir. Gorilla Glass Victus tərəfindən qorunan 1400 nit HDR parlaqlığa, hansı ki, rənglər yüksək parlaqlıqda belə öz kontrastını qoruyur və 2000 nit pik parlaqlığa çata bilər.
Pixel 8 Pro 1344 x 2992p təsvir ölçülü, 489 PPI piksel sıxlıqlı və adaptiv 1-120Hz yeniləmə tezliyi ilə daha böyük 6,7 düymlük LTPO OLED ekran təklif edir. HDR imkanları 1600 nit-ə çatır və pik parlaqlıq 2400 nit-dir, hamısı Corning Gorilla Glass Victus 2 ilə qorunur.
Pixel 8 seriyasındakı kamera texnologiyaları də yenilənib. Belə ki, Pixel 8-də yeni nəsil f/1.68 diafraqmaya malik 50MP Octa PD ISOCELL GN2 kamera sensorundan istifadə olunur. Həmçinin avtofokuslu 12MP ultra-geniş bucaqlı kamera var.
Daha böyük model olan Pixel 8 Pro isə eyni 50MP əsas kamera, avtofokuslu 48MP ultra geniş kamera və 5x optik böyütmə qabiliyyətinə malik 48MP ISOCELL GM5 telefoto kameradan ibarət güclü kamera qurğusu ilə bir addım irəli gedir. Ön kamera 10.5MP sensor və sabit/avtofokusla sabit olaraq qalır.
Cihazlara ToF sensoru da quraşdırılıb. Lakin Pixel 8 Pro daha güclü 8 kanallı ToF əldə edib, sadə model isə tək kanallı sensordan istifadə edir. Eyni zamanda Pixel 8 Pro modelində termometrdə mövcuddur.
Performans tərəfində, Samsung-un 4nm texnologiyası ilə istehsal edilən Tensor G3 çipseti qarşımıza çıxır. Onun tək Cortex-X3 performans nüvəsi 2.91 GHz tezlikdə, dörd Cortex-A715 nüvəsi 2.37 GHz tezlikdə və dörd Cortex-A510 nüvəsi 1.70 GHz tezikdə işləyir. Pixel 8 modeli 8 GB operativ yaddaşa sahib olsa da, Pro onu 12 GB-a qədər artırır. Hər iki Pixel 8 telefonu IP68 suya və toza davamlıdır, barmaq izi və üz ilə kilidi açmaq xüsusiyyətinə malikdir.
Batareyanın ömrü Tensor G3 çipseti üçün çox vacibdir və hər iki telefon da təkmilləşmə edilib. Pixel 8 modelinin 4575 mAs batareyası olduğu halda, Pixel 8 Pro daha böyük 5050 mAs tutuma malikdir. Hər iki telefon 27 Vatt simli şarjı dəstəkləyir, bu da sizə 30 dəqiqə ərzində 50 faiz batareya tutumuna çatmağa imkan verir. Simsiz şarj isə 18 vattdır.
Hər iki yeni Google Pixel 8 smartfonu Google One-dan pulsuz VPN və Android dünyasında ən uzun 7 illik əməliyyat sistemi və təhlükəsizlik yeniləmələri vədi ilə gəlir. Apple belə iOS 17 yeniləməsini yalnız 5 yaşa qədər olan cihazlara verərkən, bu addım smartfon dünyası üçün vacib amil daşıyır.
Pixel 8 modelinin 128GB variantı 700$, Pixel 8 Pro modelinin 128GB variantı isə 1000$-dan başlayır.
