Azərbaycan startapları artıq qlobalda da tanınmağa başlayır. Belə ki, daha 2 Azərbaycan startapı Beep və Perkskit 500 Global Georgia akselerasiyasının 5-ci qrupuna seçilib. Qeyd edək ki, 500 Global Akselarasiyasının 5-ci qrupuna seçilən startapların sayı ümumilikdə 10-a çatır. AdTech, HR, FinTech, E-commerce və Travel olmaqla 5 qrupa ayrılan startaplardan ikisi məhz Azərbaycan startapı olub. Ümumiyyətlə son dövrlərdə startaplarımız bir çox qlobal tədbirlərdə seçilir və dəstəklənir. Beep və Perkskit startapları da onlardandır.
Qeyd edək ki, Beep startapı komandaların birbaşa olaraq səhifəyə şərhlər əlavə etməklə vizual rəy və tapşırıqların paylaşmasını asanlaşdırır. Həmçinin bu yol komandaların sosial şəbəkələrdən daha effektiv istifadə etməsini də təmin edir. Bu startapın əsas məqsədki səhifəni heç vaxt tərk etmədən başqa pəncərələ sürətli keçid etməkdir. Bütün bunlar ilə Beep şirkətlərə daha məhsuldar komanda təklif edir.
Perkskit isə bildirir ki, “İndi korporativ müavinətlər sistemini dəyişdirmək və işçilərə daha çox təqdir olunmalarına kömək etmək üçün böyük bir fürsət var. Biz şirkətlərə HR sərmayələrini maksimum dərəcədə artırmaq və əsas biznes nəticələrini artırmaq üçün sadələşdirilmiş işçi təcrübəsi yaratmağa imkan veririk”. Belə ki, şirkətlər büdcələrini tam istifadə olunmayan müavinətlərə xərcləməyi dayandıraraq pula qənaət edir, o cümlədən işçilər sadəcə ehtiyac duyduqlarını seçirlər. Nəticədə isə hədəf auditoriyaya asanlıqla çatmaq olur.
Bundan əvvəlki xəbərlərimizdə Voiceloft, Glorri, Murmur kimi bir neçə Azərbaycan startaplarının 500 Global (Startups) Akselerasiya proqramına qəbul aldığını sizinlə bölüşdük. Beep və Perkskit startaplarının da 2010-cu ildə Dave McClure və Christine Tsai tərəfindən əsası qoyulmuş 500 Global Akselerasiya proqramına qəbul alması sevindirici xəbərdir.
