Müasir dövrdə avtomobil sənayesindən tutmuş texnologiya sahəsinə qədər bir çox sahədə elektrikli cihazlara üstünlük verilir. Avropada da nəqliyyat vasitələri elektrikli olacaq. Belə ki, Hitachi brendi tərəfindən hazırlanan avropanın ilk batareyalı qatarları təqdim edilib. Əslində batareyalı qatarlar daha əvvəllər istifadə edilsə də, Hitachi ilk dəfə onlardan əsas güc mənbəyi kimi istifadə edəcək. İtaliyada istifadə olunacaq yeni qatarlar həm sürətli, həm də ətraf mühit üçün zərərsizdir.
Beləliklə Hitachi Rail, Trenitalia ilə bağladığı 1.23 milyard avroluq müqaviləyə uyğun olaraq yeni Masaccio qatarının ilkin mərhələsini tamamlayıb. 20 ədəd Blues markalı vaqondan ibarət olan yeni Masaccio qatarları Avropanın ilk batareyalı qatarları olacaq. Bildiyimiz kimi, Avropa ölkələri nəqliyyat vasitələrinin karbondan təmizlənməsi və emissiyaların 55%-ə qədər azaldılması barədə öhdəliyi öz üzərlərinə götürüblər. Buna uyğun olaraq yeni Masaccio qatarları istifadəyə veriləcək. Hələlik avropanın qatar şəbəkəsinin çox hissəsi elektrikləşdirilməyib. Belə ki, topoqrafik problemlər qatarların tam elektrikləşdirilməsi üçün müəyyən zaman tələb edir. Məhz buna görə də hazırda avropadakı bir çox qatarlar dizel mühərriklərə əsaslanır.
Hələlik yeni Masaccio qatarları batareya ilə sadəcə 15 km məsafə qət edə bilir. Lakin qatar batareya bitdikdə dizel mühərriki və əyləcdən istifadə edərək yenidən şarj ola bilir. Bu bir növ hibrid mühərriklərin iş prinsipinə bənzəyir. Hazırda qatarlar Siciliya, Sardiniya və Latsioda sahil boyunca fəaliyyət göstərir. Müqaviləyə əsasən ilkin olaraq 135 qatar istifadə veriləcək. Hər qatar isə 300 nəfərlik sərnişin tutumuna malikdir. Maksimal sürəti 160 km/saat ilə məhdudlaşdırılan qatarın Sürücü Məsləhət Sistemi olan DAS enerji sərfiyyatını minimuma endirmək üçün optimal sürətləri də müəyyən edir. Gələcəkdə qatarın sadəcə batareya hesabında 100km-dən çox mənzilə sahib olacağı gözlənilir. Onu da qeyd edək ki, qatarların istehsalı zamanı 93% təkrar istehsal olunmuş materiallardan istifadə olunur.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
