Bu gün smartfon sahəsinin liderlərindən biri olan Samsung mobil çipset sahəsində də liderliyi əlinə almaq istəyir. Belə ki, Samsung brendi 2025-ci ildə dünyanın ən qabaqcıl mobil çipsetlərini istehsal etməyi planlayır. Koreyalı nəhəng mobil çipset sahəsinin şəksiz lideri hesab olunan TSMC yəni Taiwan Semiconductor Manufacturing Co şirkətini ötməyi planlayır. Hətta smartfon nəhəngi bu məqsədə nail olmaq üçün yol xəritəsini də hazırlayıb. Bu xəritəyə görə isə Samsung 2025-ci ildə TSMC şirkətini qabaqlayacaq.
Əslində Samsung şirkətinin əsas gəlirlərini məhz yarımkeçirici istehsalı təşkil edir. Belə ki, texnologiya nəhəngi noutbuklar, avtomobillər və digər cihazlar üçün yaddaş çipləri istehsal edir. Həmçinin Samsung sadəcə yarımkeçirici çip istehsalında deyil dizaynında da iştirak edir. Bu ilin əvvəlində Samsung şirkəti 2025-ci ildə 2 nm çiplərin istehsalına başlayacağını elan etmişdi. Bu isə Samsung şirkətinin dünyanın ən qabaqcıl çipsetlərini istehsal etmək məqsədinə çatmasına kömək edəcək. Ümumiyyətlə Samsung ChatGPT süni intellekt alətinin populyarlığından istifadə edərək çipset sahəsində liderliyi ələ almağı planlayır. Qeyd edək ki, hazırda süni intellekt texnologiyaları üçün çiplər əsasən Nvidia və AMD şirkəti tərəfindən təmin olunur.
Samsunng brendinin yeni yol xəritəsinə əsasən şirkət 2026-cı ildə məhsuldar hesablamalar və 2027-ci ildə avtomobil istehsalı sahəsinə giriş etməyi planlayır. Hətta bu məqsədə çatmaq üçün şirkət Cənubi Koreadakı Pyeongtaek və Taylor, habelə Texasdakı fabriklərinin istehsal potensialını artıracaq. Qeyd edək ki, ilin birinci rübündə qlobal yarımkeçirici bazarında TSMC 59% pay ilə lider olduğu halda Samsung sadəcə 13% paya malikdir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
