Ötən aylarda Toyota brendi beşinci nəsil Prius modelini təqdim etmişdi. Belə ki, yeni seriya Toyota Prius xəttinin 25 illik yubileyində təqdim edilmişdi. Seriyanın 5-ci nəsil modeli yeniləmiş dizaynı və müasir texnologiyaları ilə diqqətləri cəlb etməyi bacarmışdı. Görünən odur ki, beşinci nəsil Toyota Prius modeli sadəcə həvəskarların deyil hərkəsin diqqətini cəlb etməyi bacarıb və Red Dot dizayn mükafatına layiq görülüb. Ümumiyyətlə Toyota Prius seriyası təqdim edildikdən bu yana dünyada 5 milyon Prius modeli satılıb.
Xatırladaq ki, yeni seriyanın təqdim edərkən şirkətin əsas məqsədi Toyota Prius modelinin yalnız aşağı yanacaq sərfiyyatına deyil həm də cəlbedici dizayna sahib olması idi. Artıq Toyota öz məqsədinə çatıb və dünyasəviyyəli dizayn mükafatı əldə edib. Ümumiyyətlə yeni model həm zərif, həm də müasir dizaynı ilə ənənəvi Prius dizaynını geridə qoymağı bacarmışdı. Qeyd edək ki, yeni avtomobilin ön hissəssi əsasən elektrikli avtomobillərdə gördüyümüz üfüqi xəttli faralar ilə təchiz edilmişdi. Həmçinin avtomobilin arxa tərəfinə yeni spoyler quyruğu əlavə edilmişdi. Bütün bunlar öz növbəsində hibrid avtomobilə idman görünüşü qatmışdı.
Qeyd edək ki, Red Dot Design Awards hər il 20 minə yaxın müraciət ilə dünyanın ən böyük dizayn yarışmalarından biri hesab olunur. Belə ki, bu yarışma 60 ildən uzunmüddətdir ki, “Məhsul Dizaynı”, “Kommunikasiya Dizaynı” və “Dizayn Konsepti” olaraq kateqoriyalar bölünür. 43 üzvdən ibarət beynəlxalq münsiflər heyəti bütün müraciətləri qiymətləndirib. Sonra Toyota Prius modelini Məhsul Dizaynı kateqoriyası üzrə Ən yaxşıların ən yaxşısı adlı Red Dot dizayn mükafatına layiq görüb.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
