infinix smartfonlar üçün 260 vatt sürətli şarj texnologiyasının istifadə üçün uyğun test nümunələrini artıq medialarla paylaşmağa başlayıb. Belə ki, ilkin test nümunələrindən nəticələr də ötən gün GSMArena tərəfindən yayımlanıb. Belə ki, All-Round FastCharge adlandırılmış yeni texnologiya tam şarj müddətinin ekstremal qısa olması ilə diqqətləri öz üzərinə çəkib. Hal-hazırda rəsmi olaraq 240 vatt sürətli şarj ilə Realme şirkətinin GT Neo 5 modeli satışda olan ən yüksək sürətli cihaz kimi çıxış edir. Lakin infinix şirkətinin yeni Demo cihazı ilə 260 vatt təklif edərək bu rekordu qısa bir müddət də olsa ələ alacaq. Təbii ki, Redmi brendi 300 vatt şarj dəstəkləyən növbəti modelini təqdim edənə qədər keçən müddətdən söhbət gedir.
infinix şirkətinin 260 vatt ilə cihazı tam doldurmağa 6 dəqiqədən qısa vaxt lazımdır
20V/13A GaN AC adapteri ilə birlikdə cihazda 142 fərqli batareya, şarja və temperatura nəzarət baxımından sensor işlədilib. Bunlardan 21 ədədi məhz temperatura nəzarət edir. 1000 şarj dövründən və ya 2 illik istifadədən sonra batareya öz həcmini 90% səviyyələrində qoruyaca biləcək şəkiildə dizayn olunub. Yəni, çox ciddi bir dayanıqlılıqdan bəhs edilir.
Aparılan testlər Demo infinix modeli 260 vatt ilə 6 dəqiqə vaxt ərzində 100% səviyyəsinə çatdıqdan sonra 7:51-ci dəqiqədə şarjı dayandırıb. Smartfon 60 saniyə ərzində 25%, 2 dəqiqə 13 saniyə ərzində 50% şarj səviyyəsinə çatmağı bacarıb.
İkinci bir testdə nəticə daha da yaxşı olub. 5:48 dəqiqə ərzində batareya 100% doluluq səviyyəsinə çatıb. Fərqli testlərdə isə ən pis nəticə 7:13 dəqiqə olub. Hər üç test zamanı cihaz 47 dərəcədən çox isinməyib. Nəticə və irəliləyişlər isə olduqca təəccüblüdür. İnfinix kimi bir brendin artıq bu istiqamətdə təzyiq göstərməsi digər brendlərin sürətli şarj səviyyələrinə bu ildən orta və giriş seqmentdə 210 vatt, 120 vatt səviyyələrinə standartlaşdırması gözləniləndir.
