Dünyada ilkləri bazara çıxarmağa ən maraqlı şirkətlər arasında Realme bəlkə də ilk beşlikdə ola bilər. Hər GT seriyasının hansısa nümayəndəsi fərqlənən bir üstünlüklə diqqətləri cəlb edən brend, bu dəfə də Realme GT Neo 5 modeli ilə diqqət çəkəcək. Söhbət başlıqdan da gördüyünüz kimi Realme GT Neo 5 modeli ilə təqdim ediləcək 240 vatt sürətli şarj dəstəyindən gedir. Dünyanın ən qısa şarj müddəti rekordunu qırmaq üçün hazırlandığı bildirilən bu cihaz ilkin testlərdə 24V/10A adapter ilə ~224 vatt sürətində şarj olmağı bacarmışdır. Realme şirkəti xüsusilə təhlükəsizlik tələblərini ödəməkdə ciddi çalışdığı smartfonun boş batareyasının 100% doldurulması təqribən 10 dəqiqədən az vaxt alacaq.
240 vatt “sürətli” şarj dəstəkli Realme GT Neo 5 modelinin texniki xüsusiyyətləri necə olacaq?
Realme GT Neo seriyası bildiyiniz kimi, münasib qiymətli üst seqment smartfonlar arasındadır. Realme GT Neo 5 modeli də həmin seriyanın davamçısı olduğundan xüsusiyyətləri müəyyən qədər zəiflədilmiş olmalıdır. Lakin bun baxmayaraq 240 vatt kimi texniki cəhətdən istifadəçiyə ən çox lazım olan hər bir detal GT Neo 5 modelində mövcuddur.
Smartfon öz gücünü Snapdragon 8+ Gen 1 çipsetindən alır. 6.74 düymlük 144Hz tezlikli 1.5K təsvir ölçülü OLED ekran panelinə malikdir. Hətta bu ekran paneli göz qoruması üçün 2160Hz tezlikli PWM texnologiyasını dəstəkləyir. Arxa tərəfdə 50MP IMX890 əsaslı kamerası OIS ilə gücləndirilib və üçlü kamera konfiqurasiyası mövcuddur. Sonda qeyd edək ki, batareya həcmi 4600 mAs olub, 2 hüceyrəli şəkildə (hər biri 2300 mAs) cihaza quraşdırılacaq. Dizaynı isə şəkildən də gördüyünüz kimi standart Realme ənənələrinə sadiq qalacaq. Lakin kamera modulunun sağ tərəfində LED bildiriş işığı yerləşdiriləcək. Cihazın qiyməti 9 fevral tarixində baş tutacaq təqdimat tədbirindən sonra məlum olacaq.
