Son vaxtlar haqqında tez-tez danışdığımız ChatGPT vaxt itirilmədən Microsoft tərəfindən sürətlə mənimsənilməyə davam edir. OpenAI tərəfindən inkişaf etdirilən süni intellekt əsaslı dil modeli ChatGPT-nin nə olduğunu bilmirsinizsə, ən sadə formada izah etsək suallarınıza yazılı cavab verməyə yarayır. Məsələn, normal axtarış sistemləri ilə bir şey yazıb axtardıqda o cavabın ən yaxşı uyğunlaşdırıldığı saytlar qabağınıza çıxır. ChatGPT isə saytları yox, birbaşa sualın özünü milyonlarla saytdan araşdırıb sizə birdəfəlik bir insan imiş kimi cavab verir. Təbii ki, imkanaları təkcə bundan ibarət deyil. Yazı ilə sual verib, yazı ilə cavab ala biləcəyiniz bir çox şeyi etməyi bacarır. Microsoft isə bu imkanı yerində və yüksək dəyərləndirib Google şirkətinin önünə keçməyə çalışır. Yəni, Google axtarış sisteminin rəqibi olan Bing axtarış sistemini populyarlaşdırmaq üçün möhtəşəm bir açar tapıb.
ChatGPT və normal Bing axtarış sisteminin nəticələri bir-birinə qarışmayacaq
ChatGPT-nin Microsoft tərəfindən Bing axtarış sisteminə inteqrasiya edilməsi xəbərlərindən çox qısa bir müddət keçsə də artıq ilkin beta versiyası çoxdan hazırlanıb. Ötən həftə Owen Yin adlı tviter istifadəçisi tərəfindən Bing axtarış sistemində dil modelinin necə işlədildiyinə dair hər bir detallar həm şəkil, həm gif formtında videoya bənzər formada paylaşılıb. Owen Yin qeyd edir ki, Microsoft Edge brauzerini yüklədikdən sonra Bing axtarış sistemini təyin edib. Səbəbi bilinməsə də xəta səbəbi ilə yenilənən Bing axtarış sistemi ChatGPT interfeysini də aktivləşdirib. Bir müddət sonra interfeysdən həmin bölmə silinsə də yeni Bing əsaslı brauzerin necə olacağı dəqiqləşib.
Gördüyünüz kimi ChatGPT əsaslı olan və normal axtarış sisteminin işləməsi üçün 2 fərqli hissə var. Bunlardan biri standart axtarış sistemi olarkən, digəri “chat” bölməsidir. Həmin bölmə daxilində isə suallar verib cavab ala biləcəyiniz bir bölmə yerləşdirilib. Anladığımız qədərilə Microsoft ChatGPT-nin imkanlarında Windows daxilində ayrıca bir sistem kimi reallaşdırmaq istəyir. Windows 12 əməliyyat sistemində süni intellekt imkanları ilə inanmadığınız imkanların reallaşdırılacağını şirkət sözçüsü bildirmişdi. Microsoft şirkətinin də GPT-4 ilə öz sistemlərini inteqrasiya etmək istəməsi hal-hazırda olan GPT-3 əsaslı modeldən daha mükəmməl bir nəticə görəcəyimizi ortaya qoyur.
