Müasir dövrdə öz elektromobilləri ilə məşhurlaşan Tesla şirkəti, yeni elektrikli yük maşının sınaqdan keçirib. Qeyd edək ki, elektrikli modellər üzrə ixtisaslaşan şirkət yeni elektrikli yük maşını olan Tesla Semi modelini 2017-ci ildə ictimaiyyətə təqdim etmişdi. Ötən gün isə şirkət Tesla Semini 40 tona yaxın qoşqu ilə sınaqdan keçirib. Xatırladaq ki, Tesla-nın avtomobil və yük maşınları proqramının rəhbəri Jerome Guillen yeni elektrikli yük maşınının 2020-ci ildə kütləvi istehsal ediləcəyini bildirmişdi. Lakin koronavirus pandemiyası şirkətin planlarını yarıda qoymuşdu.
Tesla Semi modeli 800 km məsafə qət edib
Elon Musk tərəfindən əsası qoyulan Tesla şirkəti, yeni elektrikli yük maşınını 36 ton və ya 36740 kq yük qoşqusu ilə sınaqdan keçirib. Nəticədə isə Tesla Semi, tək şarj ilə 800 km qət edib. Yeni elektrikli yük maşını olan Tesla Semi modelini 2017-ci ildə ictimaiyyətə təqdim etmişdi. Ötən gün isə şirkət Tesla Semini 40 tona yaxın qoşqu ilə sınaqdan keçirib. Qeyd edək ki, 2017-ci ildə təqdim olunmuş modelin bəzi xüsusiyyətləri dəyişdirilib. Belə ki, onun elektrik mühərriklərinin sayı əvvəlcə 4 olsa da sonradan azaldılaraq 3-ə endirilib. Həmçinin ilkin olaraq şirkət elektromobilin 30 dəqiqəlik şarj ilə 640 km məsafə vədd etməsini hədəfləsə də, sonradan 30 dəqiqəlik şarj ilə batareyanın 70% doldurulmasına nail ola bilib. Ümumilikdə 800 km məsafə qət etmək ortalama 8 saatlıq yürüyüş məsafəsi deməkdir. istirahət müddəti ərzində sürətli şarj stansiyalarında elektrikli yük avtomobilinin doldurulması nəticə etibarilə problem yaratmayacaq.
Əlavə olaraq qeyd edək ki, yeni Tesla Semi modeli, 1 dekabrdan etibarən tədarük olunacaq. Hətta yeni model, ilkin olaraq Pepsi şirkətinə tədarük olunacaq. Beləki, Pepsi Modestodakı zavodunda yeni modeldən istifadə etməyi planlayır. Tesla şirkəti, 2024-cü ilə qədər 50 min elektrikli yük maşını tədarük etməyi planlaşdırır.
