Avtomobil sənayəsində illik abunə haqqı ilə əlavə xidmətlərin təklif olunması konsepsiyası getdikcə daha çox yayılır. Belə ki, Tesla-dan sonra Mercedes-Benz şirkəti də illik abunə haqqı ilə daha performanslı elektromobil təklif etməyə başlayıb. Qeyd edək ki, Alman avtomobil istehsalçısı olan Mercedes-Benz şirkəti illik abunə haqqı ilə EQE və EQS elektromobillərinin sahiblərinə “Acceleration Increase” xidmətini təklif edib. Bu xidmət isə elektromobilin mühərrik gücünün artırılması ilə bağlıdır. Əslində bu xidmət ilə şirkət elektromobilin mühərrikində heç biri fiziki dəyişiklik etmir, sadəcə olaraq daha əvvəldən təyin olunmuş sürət məhdudiyyətini aradan qaldırır. Şirkət yeni xidməti ilə elektromobilin mühərrik gücünün 20-24% artacağını iddia edib.
Mercedes-Benz şirkəti yeni illik abunə haqqı xidmətini sadəcə 4 model üçün əlçatan olacağını bildirib. Bu modellər isə Mercedes EQE və EQS seriyasına aiddir. Alman avtomobil şirkəti bildirib ki, yeni xidmət ilə gücləndirilmiş Mercedes EQE 350 modelinin mühərriki 288 at gücündən 349 at gücünədək güclənəcək. Həmçinin bu model 100 km/saat sürətinə 6 saniyə əvəzinə sadəcə 5.1 saniyəyə sürətlənəcək. Qeyd edək ki, Mercedes EQE 350 SUV modeli sadəcə EQE 350 modeli ilə eyni parametrlərə sahib olacaq, lakin 6.2 saniyə əvəzinə 5.2 saniyəyə 100 km/saat sürətinə çata biləcək.
Şirkətin yeni xidmət ilə gücləndirilmiş mühərrik təklif erdiyi elektromobillərdən digəri isə Mercedes EQS 450 modelidir. Belə ki, elektromobilin yeni xidmət vasitəsi ilə gücləndirilmiş mühərriki 355 at gücü yerinə 443 at gücü hasil edə biləcək. Sadə EQS 450 modeli 100 km/saat sürətinə 4.5 saniyəyə, SUV modeli isə 5.3 saniyəyə sürətlənə biləcək. Qeyd edək ki, hər iki model eyni mühərrik göstəricilərinə malikdir.
Əlavə olaraq qeyd edək ki, şirkət elektrik mühərriklərin gücləndirilməsi xidmətini illik 1200$ abunə haqqı ilə təklif edir. İllik abunə haqqı ilə əlavə xidmətlərin təklif edilməsi konsepsiyanın daha bir neçə elektromobil istehsalçısı tərəfindən təklif olunacağı da gözlənilir.
