Smartfonların kameraları hər keçən gün yenilənir və daha yaxşı görüntülər ortaya çıxarır. Bəs 2022-ci ildə olmağımıza baxmayaraq təhlükəsizlik kameralarının görüntüləri niyə keyfiyyətsiz olmağa davam edir? Əslində smartfonumuzla getdiyimiz məkanda çəkdiyimiz görüntülərin keyfiyyəti evimizə girən oğrunun görüntülərindən daha önəmli deyil.
Buna baxmayaraq smartfon kameraları inkişaf edir, təhlükəsizlik kameralarının görüntüləri isə keyfiyyətsiz olmağa davam edir. Hətta keyfiyyətin olmaması bəzən cinayətkarların tapılmamasına, axtarış işlərinin uzanmasına səbəb olar bilir. Bu mövzu ilə bağlı hazırlanan “meme”-lar da sosial şəbəkələrdə gülüş mənbəyinə çevrilib. Belə ki, James Webb kosmik teleskopundan gələn görüntülərin keyfiyyəti ilə çox qısa məsafədəki insanın üzünü əks etdirməyən təhlükəsizlik kameralarının keyfiyyəti belə zarafatca müqayisə edilir.
Bunun olduqca məntiqli səbəbləri var
Belə ki, bunun səbəbini anlamaq üçün təhlükəsizlik kameraları ilə smartfon kameralarını müqayisə etməli deyilik. Çünki təhlükəsizlik kameraları smartfon kameralarından fərqli olaraq qaranlıq görüntünü aydınladırlar. Bunu edərkən də kameradan mükəmməl görüntü ortaya çıxarmasını gözləmək olmaz. Təbii ki, tək səbəb bu deyil. İndi bildirəcəyimiz səbəb ilk səbəbdən çox daha məntiqli görünür.
Təhlükəsizlik kameralarının görüntüləri 99% hallarda yarasızdır
Belə ki, bu kameralar bütün gün iş yeri, həyət, ev, mağaza kimi məkanlarda bütün gün görüntü depolayır və bu görüntüləri 4K keyfiyyətində depolamaq baha başa gəlir. Məsələn, böyük iş yerlərini düşünün. Həmin məkanlar üçün yüzlərlə təhlükəsizlik kamerası lazımdır. Belə vəziyyətdə maddi resurslar nəzərə alınır və daha aşağı qiymətə sahib kameralar alınır. Əlbəttə ki, keyfiyyətli görüntü verən kameraların mövcud olduğunu bilirik. Lakin bir çox insan həm qiymət həm də depolamaq çətinliyi səbəbi ilə daha keyfiyyətsiz görüntü verən ucuz kameralardan istifadə edir.
24 saatlıq video təxmini 1 TB yer tutur
24 saatlıq video təxmini 1 TB yer tutursa, onlarla kameradan gələn görüntüləri depolamaq olduqca böyük problemə çevrilir. Əslində bildirmək lazımdır ki, kameradakı görüntü xam halı ilə nisbətən yaxşı keyfiyyətə malik olur. Lakin görüntülər çox vaxt köçürülərkən və ya köhnə kameralardan əldə edilmiş videolarda format dəyişikliyi edilərkən görüntünün pisləşdiyi ilə qarşılaşmaq olur.
Bəs siz maddiyyat və depolamaq problemini bir kənara qoyub yüksək keyfiyyətli görüntü təqdim edən kameradan istifadə edərsiz? Təhlükəsizlik kameralarının görüntüləri haqqında fikirlərinizi şərhlərdə bizimlə bölüşə bilərsiniz!
