Yaponların düşüncə tərzi ilə bəzən çox fərqli və absurd texnologiyaların ərsəyə gəldiyini bəlkə də görmüsünüz. Məsələn, ötən ilin avqust ayında Lay’s şirkətinin yapon bölməsi barmaqları yumağa yarayan heç kimin işinə yaramayacaq “barmaq yuyan maşın” hazırlamışdı. Lakin bu dəfə başlıqda gördüyünüz texnologiya qida sənayesində olduqca vacib yerdə qərarlaşan içkilər üçün maraqlı bir yenilik gətirir. Belə ki, yaponlar süni intellekt ilə, xüsusilə alkoqollu içkilər üçün yeni dad axtarırlar.
Süni intellekt əsaslı “barmen” 1200 resept və 700 inqrediyent ilə xüsusi həssaslıqla təkmilləşdiriləcək
Sapporo Drink şirkəti tərəfindən hazırlanacaq süni intellekt indiyə qədər bilinən bütün tərkiblərlə içkilər üçün 1 trilyondan çox kombinasiya yaratmağa çalışacaq. Bunun üçün əvvəlcədən verilmiş 1200 resept və 700 bilinən inqrediyent ilə süni intellekt sistemi təkmilləşdirilərək işə salınacaq. Bu sistem sizə içkilərdə dadların 100 ballıq dəyərləndirmə üzərindən bir-birinə nə qədər yaxın olduğunu bildirə biləcək.
Lakin süni intellekt sisteminin tək üstünlüyü bu olmayıb, dada görə “turş” və ya “kəskin” olması ilə bağlı detalları da içkilərlə bağlı ayrıca pəncərədə qeyd ediləcək. Mütəxəsisslərin fikrincə bazarın təhlilindən tutmuş müştərilərin ağız dadına qədər detalları analiz etməyə imkan yaradan bu süni intellekt sistemi vacib məlumatları özündə toplayacaq. Sapporo Drink şirkətindən əlavə digər şirkətlər üçün də gələcək illərdə süni intellekt ilə nəinki içkilər, fərqli qida məhsullarının təkmilləşdirilməsi uyğun görülür. Yeni dadların yaradılmasında süni intellekt effektiv ola bilsə belə, ağız dadını anlamaqla bağlı son qərar yenə də insanlara qalacaq.
