Bu gün bütün sahələrdə istifadə edilən və gün keçdikcə daha çox tələb görən süni intellekt hərkəs üçün potensial olaraq təhlükə mənbəyidir. Hətta bununla bağlı ötən aylarda ABŞ prezidenti Joe Biden təhlükəsiz süni intellekt üçün Microsoft, Google və OpenAI şirkətlərinin rəhbərləri ilə görüş keçirmişdi. Ağ Evdə keçirilən görüşün əsas mövzusu süni intellekt texnologiyaları olmuşdu.Həmçinin görüşdə son günlərdə həyatımızın bütün sahələrinə inteqrasiya edən süni intellekt texnologiyalarının məxfiliyi və təhlükəsizliyi müzakirə edilmişdi. Ümumiyyətlə süni intellekt texnologiyalarının təhlükəsizliyindən bir çox dövlət o cümlədən Avropa Birliyi də narahat idi. Məhz bu məqsəd ilə avropa komissiyası süni intellekt tənzimləmə qanunu hazırlamışdı.
İndi isə təhlükəsiz süni intellekt alətləri üçün Anthropic, Google, Microsoft və OpenAI bir araya gəlib. ABŞ prezidentinin göstərişlərinə uyğun olaraq texnologiya nəhəngləri süni intellekt alətlərinin istifadəçilərə təklif etmədən əvvəl onları test edəcək və təhlükəsizliyindən əmin olacaqlar. Hətta bu məqsədlə texnologiya nəhəngləri yeni Frontier Model Forum və ya sərhəd model formu yaradıblar. Bu form vasitəsi ilə texnologiya nəhəngləri süni intellekt modellərinin təhlükəsizliyinə birbaşa nəzarət edəcəklər.
Qeyd edək ki, yeni yaradılan formun əsas məqsədləri və öhdəlikləri arasında süni intellekt modellərinin məsuliyyətli inkişafına nəzarət etmək, onların risklərini minimuma endirmək, müvafiq standartlar çərçivəsində fəaliyyət göstərməsini təmin etmək var. Bundan əlavə siyasətçilər, alimlər və digər məsul şəxslər ilə süni intellekt riskləri barədə məlumat bölüşmək və cəmiyyətdə problem yarada biləcək məlumatların nəzarət olunmasını həyata keçirəcək. Bununla da süni intellekt modelləri artıq müəyyən nəzarət altında olacaq.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
