Elektrikli avtomobil bazarının canlanması üçün ABŞ-da avtomobil nəhəngləri sürətli şarj stansiyası layihəsi üçün əməkdaşlıq edəcək. Belə ki, avtomobil bazarının 7 nəhəngi olan BMW Group, GM, Honda, Hyundai, Kia, Mercedes-Benz Group və Stellantis sürətli şarj stansiyası ilə bağlı bir araya gəliblər. Nəhəng istehsalçılar Şimali Amerikada və ABŞ-da yeni sürətli şarj stansiyası şəbəkəsi qurmaq istəyir. Təbii ki, bu addım ABŞ bazarında elektromobillərin mövqeyini daha da gücləndirəcək. Xatırladaq ki, daha əvvəl bir çox avtomobil nəhəngi, o cümlədən Ford və Mercedes-Benz Tesla ilə şarj stansiyaları ilə bağlı razılıq əldə etmişdi. İndi isə Mercedes-Benz şirkəti digər nəhənglər ilə birlikdə daha böyük layihəyə daxil olmaq niyyətindədir.
Ümumiyyətlə hazırda ABŞ-da elektrikli şarj stansiyalarının sayına görə Tesla liderdir. Lakin digər avtomobil nəhəngləri bu asılılıqdan qurtulmaq və öz şarj stansiyalarını yaratmaq üçün bir araya gəlib. Beləliklə dünyanın avtomobil nəhəngləri Şimali Amerikada sürətli şarj stansiyası üçün yeni şəbəkə quracaq. Bununla da, ABŞ bazarında bu brendlərin elektromobilləri öz mövqeyini gücləndirəcək. Həttə yeni müştərilər əldə edəcək. Adları açıqlanan nəhənglər bu ilin sonundan etibarən ABŞ-da ən azı 30 min yeni sürətli şarj stansiyası qurmağa hazırlaşır. Qeyd edək ki, hal-hazırda ABŞ Energetika Nazirliyinin açıqlamasına görə ölkədə 32 mindən çox sürətli şarj stansiyası mövcuddur. Bunların çoxu da Tesla brendinindir.
Məhz ona görə də Volvo, Ford və digər brendlər Şimali Amerikada və ABŞ-da məcbur olaraq Tesla sürətli şarj stansiyalarından istifadə edirdi. İndi isə bu asılılıq artıq bitəcək. Avropanın və dünyanın avtomobil nəhəngləri ABŞ və Kanadada elektromobil bazarına liderlik edəcək. Beləliklə Avropadan sonra ABŞ da sürətli şarj stansiyası məsələsi ilə bağlı hərəkətə keçir. Ölkədə yeni layihə ilə birlikdə 70 minə yaxın sürətli şarj stansiyası qurulacaq.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
