Ötən gün yeni Galaxy Tab S9 seriyasını, Galaxy Z Fold 5, Z Flip 5 smartfonlarını və Galaxy Watch 6 ağıllı saat modellərini təqdim edən Samsung bu ilin ikinci rübü üçün hesabatlarını açıqlayıb. Samsung şirkətinin vəziyyəti getdikcə qəlizləşir, şirkətin xalis gəliri artıq 95% azalıb. Xatırladaq ki, ötən rübdə də şirkətin gəliri azalmışdı. Lakin bu dəfə həmin göstərici daha da azalıb. Artıq Samsung maliyyə böhranı təhlükəsi yaşayır. Şirkət indiki azalmanın yaddaş çiplərinə olan tələbatın zəifləməsi ilə əlaqələndirir.
Maraqlısı budur ki, Samsung şirkətinin bu ilin ikinci rübündə xalis gəliri sadəcə 527 milyon dollar olub və azalıb. Bu isə ötən ilin eyni dövrü ilə müqayisədə 95% az göstəricidir. Bundan əlavə şirkətin satışları təxminən 22% azalıb. Lakin bütün bunlara baxmayaraq süni intellekt modelləri üçün əhəmiyyətli olan çipsetlərə tələbat bu ilin ikinci rübündə şirkəti zərər etməkdən xilas edib. Texnologiya nəhənginin investorları yaranmış vəziyyətdən məmnun olmasa da, şirkət gələn rübdə vəziyyətin düzələcəyini iddia edir. Buna əsas səbəb isə artıq yeni modellərin bazara çıxarılmasıdır.
Ümumiyyətlə ilin birinci rübündə şirkət gəlirin azalmasını smartfon tədarükünün az olması ilə əlaqələndirmişdi. İndi isə vəziyyət biraz daha fərqlidir. Samsung şirkəti növbəti rübün sonunda əvvəlki maliyyə göstəricilərini qaytara bilər. Çünki yeni təqdim edilən smartfon və digər modellərə olan tələbat çoxdur.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
