Süni intellekt texnologiyasının gələcəyindən narahat olan ABŞ Prezidenti Joe Bayden Microsoft, Google və OpenAI rəsmiləri ilə görüş keçirib. Ağ Evdə keçirilən görüşün əsas mövzusu süni intellekt texnologiyaları olub. Belə ki, görüşdə son günlərdə həyatımızın bütün sahələrinə inteqrasiya edən süni intellekt texnologiyalarının məxfiliyi və təhlükəsizliyi müzakirə edilib. Hətta görüşdə ABŞ Prezidenti süni intellekt texnologiyalarının böyük potensiala və böyük bir təhlükəyə sahib olduğunu vurğulayıb. O qeyd edib ki, ABŞ süni intellekt ilə bağlı bitərəfdir. Görünən odur ki, Avropadan sonra ABŞ da süni intellekt texnologiyaları ilə bağlı tənzimləmə qanunu hazırlamaq niyyətindədir.
Qeyd edək ki, Joe Bayden ilə keçirilən görüşə Microsoft CEO-su Satya Nadella, Google CEO-su Sundar Pichai və nəhayət OpenAI CEO-su Sam Altman qatılmışdır. Əslində bu görüş tarixi əhəmiyyət daşıyır çünki, tədbirdə Joe Bidendən əlavə ABŞ vitse-prezidenti Kamala Harris, ABŞ Milli Təhlükəsizlik müşaviri Jake Sullivan kimi önəmli insanlar da iştirak edirdi. Süni intellekt texnologiyasının risklərinə həsr olunan görüşdə vətəndaşların məxfilik, təhlükəsizlik kimi hüquqları müzakirə edildi. Kamala Harris tədbirdə hüquqi normalara da diqqət yetirib. ABŞ vitse-prezidenti qeyd edib ki, texnoloji şirkətlər artıq süni intellekt texnologiyaları da daxil olmaqla qanuni tələblərə malikdirlər. Hətta Konstitusiya mövcud tələblərə cavab vermirsə, yeni qanunvericilik tədbirləri görülə bilər.
Görüşdə iştirak edən texnoloji şirkətlərdən biri olan OpenAI şirkətinin CEO-su Sam Altman ABŞ prezidentinin məxfilik və təhlükəsizlik barədə şübhələrini başa düşürük və onunla razılaşırıq. Altman qeyd edib ki, texnoloji şirkətlər də sadalanan məqamları diqqətə alır və istifadəçilərin məxfiliyini qorumağa çalışır. Joe Bayden, Microsoft, Google, OpenAI şirkətlərinin iştirak etdiyi görüşdə 7 yeni süni intellekt instituna 140 milyon dollar sərmayə qoyacağını açıqlayıb.
