Samsung smartfonlarında səsli zənglərə səs çıxarmadan cavab verməyə imkan verən maraqlı bir yenilik üzərində işləyir. Yenilik ondan ibarətdir ki, əgər sizə gələn zəngə ucadan cavab vermək mümkün deyilsə, istifadəçi zəngə vermək istədiyi cavabı yaza bilər və bu, zəng edənə səsli formada deyiləcək. Əvvəllər bu xüsusiyyət Koreyalı istifadəçilər üçün əlçatan idi, lakin indi ingilis dilində də işləməyə başlayacaq. Həmçinin smartfonlara istifadəçinin səsindən istifadə edərək mesajları oxumağı öyrətmək də planlaşdırılır. Hal-hazırda yenilik flaqman Galaxy S23, S23+ və S23 Ultra da daxil olmaqla məhdud sayda Samsung smartfonları üçün Bixby Custom Voice Creator proqramı üzrə test edilir.
Əslində, səslə mətn əsaslı interfeys vasitəsilə səsli zənglərə cavab vermək ciddi bir yenilik deyil. Samsung cihazlarında bu funksiya Bixby Text Call kimi tanınır və Android üçün One UI 5 ilə anosn edilib. Google da potensial spam zənglərinə avtomatlaşdırılmış səslə cavab verməyə imkan verən Zəng Skanı adlı oxşar xidmət təklif edir. Bununla belə, Google xidməti sizə öz cavablarınızı daxil etməyə imkan vermir, lakin ümumi hazır cavablar siyahısından seçim edə bilərsiniz.
Yaxın gələcəkdərəqabət üçün bu funksiyaların daha mürəkkəb və avtonom olacağını təsəvvür etmək çətin deyil. Etməli olduğunuz tək şey mətndən nitqə klonunuzu süni intellektlə işləyən çatbotla əlaqələndirməkdir. Şirkət söz verib ki, süni intellektlə işləyən köməkçilər istifadəçi adından hər cür tapşırıqları yerinə yetirə bilər və öz səs klonunu yaratmaq insanlar üçün çox da çətin olmayacaq. Hətta gələcəkdə səslərin çatbot vasitəsilə birləşdirilmsə ideyasının həqiqətən həyata keçirilməsi düşünülür.
2018-ci ildə Google Duplex AI texnologiyası Samsung Bixby Text Call funksiyası ilə oxşar funksiyanı həyata keçirməyə çalışdı və süni intellekt nitqindən istifadə edərək restoranlarda masaları avtomatik rezerv etdi. Lakin bu texnologiyaya reaksiyalar qarışıq oldu, bir çoxları onu qeyri-etik saydı. Şirkət nəhayət 2022-ci ilin sonunda Duplex AI texnologiyasını da sıradan çıxardı.
Süni intellekt səs klonları üçün nifrət nitqi və süni intellektin təqibindən tutmuş açıq fırıldaqçılığa qədər zərərli istifadə halları mövcuddur. Yaxın gələcəkdə xəttin o biri ucundakı adamın həqiqətən real insan olub olmadığını müəyyən etmək demək olar ki, mümkün olmayacaq. Samsung cihazlarında yer alan Bixby Text Call funksiyasının nələrə səbəb olacağını görəcəyik.
