Stenford Universitetinin alimləri müəyyən bir fotoşəkilin harada çəkildiyini tapmağa imkan verən PIGEON süni intellektini təqdim edib. Alqoritm öz işini yerinə yetirmək üçün Google-un streetview bazasından istifadə edir, yerləri isə yüksək dəqiqliklə tapma imkanına sahibdir.
Hazırda PIGEON ölkələrin 92 faizini dəqiq proqnozlaşdırır. Hesablamaya görə isə, PIGEON xüsusilə yanlış təxminlərinin sadəcə 40 faizini hədəfdən 25 km məsafədə yerləşdirir.
Bu süni intellektin müəllifləri Lukas Haas, Michal Skreta və Silas Alberti bu alqoritmi necə inkişaf etdirdiklərini “şəkilin geolokasiyasını proqnozlaşdırmaq” başlıqlı məqalələrində təsvir edirlər. Model, semantik coğrafi xanalar dəsti ilə tamamlanır, bunlar şəhərlərə, bənzər torpaq sahələri ilə ayrılmış zonalara, yol nişanlarına, infrastrukturun keyfiyyəti və küçə nişanları kimi sahəyə aid xüsusi detallara görə və.s mövcud yerin hara olduğunu aşkarlayır.
PIGEON bu yaxınlarda GeoGuessr oyununda ən çox xal toplayan oyunçu Trevor Rainboltla yarışıb və qalib gəlib. Tədqiqatçılar öz məqalələrində iddia edirlər ki, PIGEON GeoGuessr-da insan oyunçuları ardıcıl olaraq məğlub edən ilk süni intellekt olub və oyunçuların ən yaxşı 0,01 faizi arasında yer alıb. Təxminən 50 milyon və ya daha çox insan GeoGuessr oynamışdır.
Vizual geolokasiya mühüm praktiki vasitə olsa da, indi tədqiqatçılar arasında olduqca məşhurlaşıb. Məsələn, Bellingcat kimi tədqiqat təşkilatları öz işlərində oxşar metodologiyadan istifadə edirlər. Məsələn, Ukraynaya hücum edən raketləri proqramlaşdıran Rusiya komandasının yerini müəyyən etmək üçün bu üsuldan istifadə edilib.
PIGEON Street View verilənlər bazasında şəkillərin coğrafi yerini təyin etmək üçün təlim keçsə də, Alberti hesab edir ki, bu texnika ən azı açıq havada çəkilmiş demək olar ki, istənilən şəklin geolokasiyasını aydınlaşdıra bilər. O, həmkarları ilə birlikdə sistemi streetview şəkillərini daxil etməyən bir şəkil məlumat dəsti ilə sınaqdan keçirdiyini və bunun çox yaxşı işlədiyini söylədi.
Bu texnologiyanın kadrların çəkildiyi yeri gizlətməyi çətinləşdirib-göstərməyəcəyini soruşduqda isə, hər hansı bir küçədə olsanız, geolokasiyanın tamamilə mümkün olacağı bilinir, çünki harada olduğunuza dair çoxlu işarələr var.
