Tesla brendinin uzunmüddətdir gözlənilən futuristik dizaynlı pikap elektromobili olan Cybertruck istehsalı artıq başlayıb. Xatırladaq ki, Tesla brendi Cybertruck modelini ilk dəfə 2019-cu ildə təqdim etmişdi. Hətta Elon Musk tərəfindən edilən bir hərəkət bir müddət gündəmdə qalmışdı. Belə ki, Cybertruck modelinin qırılmaz və güllə keçirməz şüşələrə sahib olduğu iddia olunsa da, təqdimatda Elon Musk onun şüşəsini qırmağı bacarmışdı.
Beləliklə Tesla Cybertruck modelinin istehsalı Texasda yerləşən Gigafactory-də başlayıb. Hətta avtomobil nəhəngi Cybertruck modelinin ilk istehsal versiyasını hazırlayıb və rəsmi Twitter hesabında paylaşıb. Qeyd edək ki, Tesla bu ilin sonunda tam miqyaslı kütləvi istehsala başlamağı planlayır. Gövdəsi paslanmayan poladdan olan elektrikli pikap zireh ilə təchiz olunub. Hətta brend bu zirehin 9mm-lik güllələrə tab gətirə biləcəyini iddia edir. Maraqlısı budur ki, yeni modelin istehsal tarixi bir neçə dəfə təxirə salınıb və ya gecikdirilib. Tesla yeni modeli ilk dəfə təqdim etdikdə onun istehsalının 2021-ci ildə həyata keçiriləcəyini bildirmişdi. Lakin bu tarix daha sonra 2022-ci ilə təxirə salındı. Nəhayət şirkət 2023-cü ilin iyulunda ilk modeli istehsal edə bildi.
Elon Musk bu təxirə salmaları elektromobildə edilən bəzi təkmilləşdirmələr səbəbindən olduğunu bildirdi. Qeyd edək ki, yeni Cybertruck modeli 3 fərqli versiyaya sahibdir. Bunlar müvafiq olaraq 39900$, 49900$ və 69900$ qiymətinə təklif olunan 1,2 və 3 elektrik mühərrikli versiyalardır. Həmçinin bu elektromobillər mühərriklərin sayından asılı olaraq 400, 500 və 800 km məsafə qət edə biləcək. Ən üst versiya yəni 3 elektrik mühərrikinə sahib olan Cybertruck modeli sadəcə 2.9 saniyəyə 100 km/saat sürətinə çata bilir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
