OpenAI uzunmüddətdir gözlənilən GPT-5-in təqdimat tarixini rəsmi X hesabı vasitəsi ilə açıqlayıb. Beləliklə, OpenAI bu həftə sözün əsl mənasında konsert verməyə hazırlaşır.
Dünən şirkət biri Apple Mac-lərdə problemsiz işləyən iki yeni açıq mənbəli AI modelini elan etdi və uzunmüddətdir gözlənilən GPT-5 modelinin buraxılış tarixini açıqladı. OpenAI-nin rəsmi X hesabında “LIVE5TREAM THURSDAY 10AM PT” sözlərindən istifadə edərək, GPT-5 modelinin təqdim ediləcəyini bildirib. ChatGPT GPT-3.5 ilə 2022-ci ilin noyabrında ilk dəfə istifadəyə verildikdə sıçrayış etmişdi. GPT-4 2023-cü ilin martında başlayıb.
O vaxtdan bəri OpenAI GPT-4o, GPT-4.5, GPT-4.1 və o4-mini də daxil olmaqla çoxsaylı ara modelləri buraxıb. Bütün bu modellərə baxmayaraq, hər kəsin gözləntiləri inqilabi GPT-5-ə yönəlmişdi. GPT-5 nəhayət sabah, cümə axşamı, Bakı Vaxtı ilə Saat 21:00-da canlı yayım ilə təqdim ediləcək. Qeyd edək ki, bu yayımda OpenAI yeni modeli və onun imkanlarını izah edəcək. Əslində, OpenAI-nin baş direktoru Sem Altman ilin əvvəlində GPT-5 ilə bağlı bəzi göstərişlər vermişdi. Onun sözlərinə görə, GPT-5 ChatGPT-nin düşüncəsini daha yaxşı başa düşməyə imkan verəcək. Bundan əlavə, müxtəlif modellərin güclü tərəflərini bir dam altında birləşdirən struktur bizi gözləyir.
