Meta daxilində fəaliyyət göstərən Instagram şirkətinin gün keçdikcə gətirdiyi yeniliklərin sayı-hesabı bitmir. Sosial media nəhəngi son 2 ay ərzində dizayndan tutmuş, rəqib platformalarda olan bir çox xüsusiyyəti belə artıq tətbiqə inteqrasiya edib. Bunlardan ən sonuncusu olan paylaşımların başa sabitlənməsi xüsusiyyəti təqdim edilərkən, Instagram rəhbəri Adam Mosseri yeni əlavələrin də yolda olduğunu qeyd etmişdi. Hətta bildirilmişdi ki, indiki yeniləmələr gələcəkdə gətirməyi planlaşdırdıqlarımızın yanında bəsit bir şey kimi qalacaq. Lakin hal-hazırda test mərhələsində olan və yaxın vaxtlarda tətbiq edilməsi gözlənilən yenilik sizi o qədər də sevindirməyəcək. Çünki, Instagram yaşınızın düzgünlüyünü təsdiq etmək üçün üzünüzü skan edəcək. Bunun üçün süni intellekt əsaslı xüsusi alqoritmlər hazırlanır.
Instagram üzünüzü skan edərək azyaşlı olmadığınızdan əmin olmaq istəyir
Belə ki, bu sosial media tətbiqini rəsmi formada istifadə etmək üçün ən az 13 yaşında olmalısınız. Amma Instagramı-ı işlətmək istəyən hər kəs 13 yaşında olmasa belə tətbiqin imkanlarından yararlana bilir. Şirkət təhlükəsizliyi artırmaq üçün yeni həll yolları ortaya qoyur.
İlk olaraq ABŞ-dən başlanaraq necə işlədiyi yoxlanılan 2 həll yolundan biri qarşılıqlı bir-birinizi izlədiyiniz şəxsin sizin yaşınızın həqiqətən doğru olduğunu təsdiq etməsidir. Üstəlik həmin şəxsin də həqiqətən minimum 18 yaşında olduğu Instagram verilənlər bazasında qeydiyyatlı olmalıdır. Siz öz yaşınızı təsdiqləmək istədiyiniz anda bu tələbləri qarşılayan 3 nəfərdən Instagram sizin yaşınızı düzgünlüyünü soruşacaq. Təsdiqləmə müddəti başladıqdan 3 gün sonra həmin şəxslər cavab verməsə proses ləğv ediləcək.
Biraz qarışıq bir şey olduğunun fərqindəyik. İndi isə ikinci həll yolu barədə bəhs edək. Bu üsul isə süni intellekt istifadə edərək kameradan yaşınızı təsdiq etməyə çalışacaq.
Rəqəmsal ID mövzusunda yüksək təcrübəyə malik Yoti firması ilə əməkdaşlıq edən Instagram süni intellektlə üzünüzü skan edəcək sistemi yaratmağa çalışır. Yoti firmasının alqoritmlərinin 18 yaşında olan şəxslərin 25 yaşın altında, yoxsa üzərində olduğunu təyin etməsi ehtimalı 98,99% doğruluq payına sahibdir. Başqa formada yazsaq hər 1000 təxmindən təqribi 11-i yanlış nəticə verə bilər. Bu da xəta payının çox az olduğunu göstərir. Yeniliyin nə vaxtdan ABŞ xarici digər ölkələrdə istifadəyə veriləcəyi məlum deyil.
