Son zamanlar texnologiya dünyasının bir nömrəli gündəmi süni intellektə çevrilib. Bu son zamanlarda OpenAI şirkətinin ChatGPT adlı söhbət botunu təqdim etdikdən sonra oldu. Mətni vizuala çevirən, suallarınıza ətraflı cavab verən, səsləri təqlid edən, hətta videolar hazırlayan süni intellekt texnologiyalarından sonra musiqi bəstələyən Google MusicLM adlı süni intellekt meydana çıxıb.
MusicLM kimi təqdim edilən yeni layihə daxil etdiyiniz mətnə əsaslanaraq təsir edici musiqi bəstələyə bilən süni intellektədir. OpenAI Jukebox və Google AudioLM layihələrindən fərqli olaraq, bu layihə təxminən 280 min saat musiqi ilə öyrədilmiş verilənlər bazası sayəsində Hi-Fi keyfiyyətində heyrətamiz müxtəliflik və dərinlikdə musiqi bəstələyə bilir.
Musiqi nümunələri:
Süni intellekt təkcə janrları və alətləri birləşdirmir, həm də adətən kompüterlərin qavraması çətin olan mücərrəd anlayışlardan istifadə edərək treklər yaza bilir. Əgər siz möcüzə və qorxu hissi oyadan kosmos, başqa dünya melodiyası ilə rəqs musiqisini istəyirsinizsə, MusicLM bunu reallaşdıra bilər. Texnologiya hətta zümzümə, fit çalma və ya rəsm təsvirinə əsaslanan melodiyalar yarada bilər. MusicLM süni intellektinin bir çox süni intellektdə olduğu kimi öz problemləri var.
Belə ki, texnologiyanın hələ də bəzi bəstələrin girişləri ilə çox əlaqəsi olmayan səslər və ya intonasiyalar yarada biləcəyi bildirilir. Hələlik Google, müəllif hüquqları ilə bağlı narahatlıqlar səbəbindən texnologiyasını hələ istifadəcilərə əlçatan etməyib. Bildirilir ki, yaranan tonlar mövcud musiqi əsərlərindən ilhamlana bilər.
