YouTube platformasının yaxşı qazanc əldə etmək üçün doğru yerlərdən biri olduğu artıq məlumdur. Cəmi bir neçə video çəkərək Youtube-dan gəlir əldə etmək kimi fikriniz varsa heçdə haqsız sayılmırsınız. Məsələn, keçdiyimiz illərdə ingilis bir ailə uşaqları ilə birlikdə 57 saniyəlik bir video paylaşdı. Bu 57 saniyəlik videonun qarşılığında isə nə az nə yox tam 150.000 dollar gəlir qazandı. Bu günlərdə isə maraqlı bir statstika ilə qarşılaşırıq. Belə ki, Greg Isenberg tərəfindən dünya ölkələrinin ən çox gəlir qazanan YouTube kanallarının siyahısı hazırlanıb. Statistikaya görə Azərbaycanın YouTube kanalı olan Contry Life Vlog Youtube platformasından 1,7 milyon dollar gəlir qazanıb.
Statistikanı Greg Isenberg Twitter-də paylaşıb:
Contry Life Vlog kanalı 5.06 milyon abunəçiyə çatıb
Bildiyiniz kimi yemək, qida, asmr, günlük yaşantı, vlog tərzi videolar izləməyi sevən nəhəng bir kütlə mövcuddur. Sözügedən kanalda elə məhz bu tərzdə videolar təqdim edilir. Kanaldakı videolarda kənd həyatı yaşayan 2 cütlüyün gündəlik həyatı əks olunur. Cütlük izləyicilərə həm kənd həyatının çətin və eyni zamanda məftun edici gözəlliklərini yaşadır deyə bilərik. 2019-cu il aprelin 27-sindən etibarən Youtube platformasına qatılan kanal hal-hazırda 5.06 milyon abunəçiyə sahibdir. Bu xəbər yazılan müddətdə kanaldakı ümumi izlənmə sayı 1,198,195,283-ə çatıb.
Contry Life Vlog kanalının haqqında bölməsinə nəzər saldıqda bu cümlələrlə qarşılaşırıq. “Contry Life Vlog olaraq biz kənddə gördüklərimizi paylaşmağı, təbiətlə məşğul olmağı və kənd həyatından maksimum yararlanmağı sevirik. Gəlin təbiətin rəngarəng videolarına, unikal yemək reseptlərinə və kənd yerlərindəki gözəl həyata baxın. Əyləşin və məzmunumuza baxaraq dincəlin!” Linkə keçid edərək kanaldakı videolar ilə tanış ola bilərsiniz.
