Ötən saatlarda Inverse resursu tərəfindən Nothing Phone (2) modeli ilə əlaqədar ilkin rəsmi detalların paylaşıldığı məqalə yayımlandı. Daha doğrusu, Carl Pei tərəfindən Raymond Wong üçün verilən eksklüziv müsahibə ilə birlikdə Nothing Phone (2) ilə bağlı bəzi açıqlamalar verdi. Belə ki, müsahibə materialında Carl Pei brendin gələcəyi və hal-hazırda edilənlərlə bağlı bəzi detallara toxunub. Aydın məsələdir ki, OnePlus kimi bir brendlə qlobal bazarda və Amerikada uğur qazanmış Carl Pei özünün uğurunu təkrarlamaq üçün əlindən gələni etmək niyyətindədir. Ötən yay ayından bu yana brend bazarda çox passiv görünsə də Carl Pei əslində startapının təməlini gücləndirmək üçün vacib işlər gördüyünü bildirir. Belə ki, Carl Pei tərəfindən verilən məlumata görə Nothing brendinin hədəfi ABŞ bazarıdır.
Carl Pei ilə müsahibə materialına görə Nothing Phone (2) modeli ilə brend ABŞ bazarına daxil olmaq və yüksək pillələrə yüksəlməyi hədəfləyir
ABŞ bazarına daxil olmaq hədəfi bütün istifadəçilər üçün sevindirici xəbərdir. Çünki, ABŞ bazarında güclənmək üçün ən ideal variant alıcıya elə ən güclü seçimi təklif etməkdən keçir. Bu halda unikal bir dizayn üslubuna malik Nothing brendinin çatışmayan cəhəti Nothing Phone (1) modelinin orta seqmentə xitab etməsinə dayanır. Carl Pei qeyd edir ki, məhsullarımızı daha yeni formalaşdırmağa başlayarkən ikinci ilimizdə ABŞ bazarına girmək çox çətin olacaqdı. Nəticədə müashibə materialına görə Nothing Phone (2) ilə 1 nömrəli bazar ABŞ olacaq. Amerikada bazarın təqribi 50%-i iPhone, 24%-i Samsung Galaxy seriyası tərəfindən zəbt edildiyi üçün rəqabətin çox maraqlı olacağı bildirilir.
Ötən 1 il ərzində şirkətin 200 işçisinin sayı 400-ə qədər yüksəlib. Carl Pei qeyd edir ki, onlar üçün hal-hazırda əsas məsələ proqram təminatını təkmilləşdirməkdir. Tez-tez yeni smartfon çıxarıb onu dəstəkləməmək Carl Pei üçün arzuolunmaz problemdir. Ona görə də Nothing Phone (1) modelindən daha keyfiyyətli bir cihaz hazırlayırıqsa proqram təminatını da ona uyğun yaxşılaşdırılmalıyıq deyə Carl Pei bildirir.
Xüsusilə “p r e m i u m” yazdığı tviti ilə diqqət çəkən Nothing rəhbəri Phone (2) modelinin bu ilin sonlarına doğru anons ediləcəyini müsahibə nəzərən təsdiqləyib. Texniki xüsusiyyətlər və dizayn hələlik məlum deyil. Böyük bir ehtimalla iPhone, Galaxy S seriyası və o cümlədən Pixel modelləri ilə rəqabət üçün ciddi təkmilləşdirmələr qarşımıza çıxarılacaq.
