Google süni intellekt sahəsində daha bir yenilik edərək rəqiblərini geridə qoyur. Belə ki, Google şirkətinin süni intellekt aləti olan Google Bard artıq sizin şəxsi problemlərinizi həll etməyə çalışacaq və sizinlə dərdləşəcək. Bu gün süni intellekt ilə çalışan bir çox çatbot mövcuddur. Lakin onlardan heç biri ChatGPT başda olmaqla istifadəçilərin şəxsi suallarına cavab tapa bilmir. Google isə bu vəziyyəti dəyişəcək və istifadəçiləri üçün xüsusi məsləhətçi və ya dinləyici çatbot hazırlayacaq.
Artıq istifadəçilərin şəxsi süni intellekt əsaslı məsləhətçisi olacaq. Google Bard yeni funksiyası ilə sizin şəxsi problemlərinizi həll etməyə çalışacaq və sizə məsləhətlər verəcək. Maraqlısı budur ki, yeni süni intelelkt aləti Google şirkətinin alt brendi olan DeepMind tərəfindən hazırlanır. Həmçinin DeepMind yeni süni intellekt xüsusiyyətinin hazırlayarkən Google Bard çatbotunun bütün imkanlarından istifadə edəcək. Beləliklə yeni süni intellekt aləti 21 müxtəlif fəaliyyət növünü əhatə edəcək. O, həm həyati məsləhətlər vermək, həm problemlərinizi dinləmək, şəxsi suallarınızı cavablandırmaq və daha çox fərqli fəaliyyətləri hətaya keçirəcək.
Bundan əlavə yeni süni intellekt aləti istifadəçilərə pəhriz, fitness rejimləri təklif edə biləcək və onların fərdi məşqçisinə çevriləcək. Google yeni süni intellekt alətinin effektivliyinin qiymətləndirilməsi üçün təhsil sahəsində aparıcı şirkət olan Scale AI ilə əməkdaşlıq edir. Hələlik bu funksiyanın nə vaxt hazır olacağı məlum deyil, lakin Google gecə-gündüz yeni funksiyanı hazırlayır.
