Süni intellektlə dəstəklənən söhbət botu ChatGPT, yayımlandığı ilk gündən internetin gündəmini, gələcəyini və hətta rəqabətini dəyişdi. Bir çox peşəkar qruplar ChatGPT-nin onların işlərini ala biləcəyini düşünərkən, artıq öz tərtibatçısı OpenAI-a sərmayə qoyan Microsoft, ChatGPT-dən sonra daha 10 milyard dollar sərmayə qoydu və Google və Meta kimi nəhənglər rəqib hazırlamaq üçün işlərə başladılar. İş o yerə gəlib çatdı ki, avtomobil istehsalçıları da ChatGPT dəstəyi barədə düşünməyə başladılar.
ChatGPT hər gün yeni bir qabiliyyət kəşf edir və OpenAI çatbotunu daha da inkişaf etdirir, müxtəlif sənayelər ChatGPT-dən necə faydalana biləcəklərini düşünürlər. Görünür, bu süni intellekt vasitəsinin faydasından yararlanmaq istəyənlərdən biri də avtomobil nəhəngi General Motors-dur.
Qeyd etmək lazımdır ki, General Motors 2021-ci ildə avtonom avtomobillərin kommersiyalaşdırılmasını sürətləndirmək üçün Microsoft ilə əməkdaşlıq edir. Avtomobillərində istifadə etdiyi süni intellekt dəstəkli texnologiyalar üçün hal-hazırda OpenAI-nın ən böyük sərmayəçisi olan Microsoft ilə əməkdaşlıq edən General Motors, ChatGPT-nin avtomobillərə necə inteqrasiya oluna biləcəyini və istifadəçi təcrübəsini artıracağını araşdırır. General Motors-un vitse-prezidenti Scott Miller, mövzu ilə bağlı verdiyi müsahibədə, “ChatGPT hər şeydə olacaq” deyərək bu məsələyə olan baxışlarını əks etdirib.
General Motorsa görə, ChatGPT dəstəyi sürücülərin nəqliyyat vasitələri ilə daha təbii şəkildə qarşılıqlı əlaqədə olmasına imkan verə bilər. Mövzu ilə bağlı verdiyi açıqlamada General Motors CEO-su, 2023-cü ildə bəzi avtomobil modellərinə ChatGPT dəstəyi əlavə etməyi hədəflədiklərini ifadə edir. ChatGPT dəstəyi ilə avtomobil sahibləri danışaraq və ya yazmaqla müxtəlif funksiyaları yerinə yetirə biləcəklər. Məsələn, onlar avtomobildəki temperaturu və ya musiqi oxutma sorğularını təbii dildə göstərə biləcəklər. Bununla belə, adi səs köməkçisindən daha yaxşı istifadəçi təcrübəsi təmin etmək məqsədi daşıyır.
