Çoxumuzun bildiyi kimi Samsung şirkəti eyni modellərin bəzilərində Snapdragon çipsetindən bəzilərində isə Exynos çipsetindən istifadə edirdi. İstifadəçilərin yekun fikrinə görə isə hər zaman Exynos çipseti Snapdragon ilə rəqabətdə geri qalırdı. Təəssüf ki, belə istifadəçilərə Azərbaycanda da rastlamaq mümkündür ki, bu vaxta qədər gələn Samsung modellərinin çoxu Exynos çipsetindən isifadə edirdi. Buna baxmayaraq Samsung şirkəti Galaxy S23 seriyasında Samsung Exynos 2300 çipsetlərindən istifadə etmədi. Şirkət hər bir Galaxy S23 seriyası modelini Snapdragon 8 Gen 2 for Galaxy ilə təchiz etdi. Lakin növbəti yüksək səviyyəli modellər üçün yeni nəsil Exynos çipsetindən istifadəyə hazırlıq artıq başlayıb.
Samsung şirkəti daha güçlü çipseti üçün Google şirkəti ilə birliktə işləyir. Yeni sızdırılan məlumatlara görə Samsung Exynos 2300 çipsetinin məlumatları ictimaiyyətlə paylaşılıb. Quadra kod adlı Exynos 2300 çipseti 1+4+4 nüvə quruluşuna malikdir. Onlarda 4 ədədi səmərəlilik, 4 ədədi performans və 1 ədədi yüksək performans üçün nəzərdə tutulan “Cortex-X3” əsaslı konfiqurasiyaya malikdir. Cortex-X3 detallara görə maksimum 3,09 GHz tezliyində işləyəcək. Digər performans nüvələri 2,65 GHz tezliyində işləyən Cortex-A715 və 2,1 GHz tezliyində işləyən Cortex-A510 ilə tamamlanacaq.
Bundan əlavə, xüsusi hazırlanmış AMD RDNA 2 arxitekturasına da sahib olacaq. Bu arada qeyd edək ki, qrafik çip Samsung Xclipse 930 adlandırılacaq. Cənubi Koreyanın texnoloji nəhənginin Exynos 2300 və ya Exynos 2400 kimi adlandırılan yeni nəsil mobil çipsetini təqdim etməyi nə vaxt planlaşdırdığı hələ də bəlli deyil. Bildirmək lazımdır ki, bəzi şayiələrdə Samsung şirkəti həmçinin yeni NPU ilə təchiz oluna bilən 2300 və ya 2400 adlı çipset modellərindən əlavə Exynos 2500 üzərində də işləyir. Ötən gün 3-cü nəsil 4nm texnoloji prosesini elan edən Samsung, böyük bir ehtimalla TSMC-nin 4nm istehsal prosesindən geri qalan 4nm silikonlarını, 3-cü nəsillə performans və səmərəlilik baxımından yaxşılaşdıraraq Exynos 2300 üçün işlədəcək. Belə olduğu halda bu çipsetin daha çox flaqman qatili adlandırdığımız cihazlar, bəlkə də FE seriyası və ya Google Pixel 8 seriyası üçün işlədiləcəyi təxmin edilə bilər.
