Google şirkətinin əvvəlki CEO-su, Noema nəşrinə müsahibəsində generativ süni intellektin inkişafı ilə bağlı proqnozlarını bölüşərək, süni intellektin yaranmasına səbəb olan üç əsas amili qeyd edib. Qərb və Şərq arasında bir qiymətləndirmə edən Eric Schimdt inkişaf etmiş süni intellekt modelləri yaratmaq mövzusunda Çinin ABŞ-ın nə qədər gerisində qaldığına da diqqət çəkib. Bundan əlavə, o, gələcək illərdə süni intellekt modellərinin öz dillərini yarada və onları birləşdirə biləcəyi barədə xəbərdarlıq edib.
Ѕсhmіdt-ə görə, məhsuldar süni intellekt sahəsindəki vəziyyət haqqında başa düşülməsi lazım olan ən önəmli detal, bu texnologiyanın məhsuldarlığının çox sürətli artmasıdır. Belə ki, süni intellekt inanılmaz sürətlə inkişaf edir. Schimdt-ə görə süni intellektin yeni modelləri hər il yarımdan bir təqdim ediləcək. Bu templə isə 3-4 ildən sonra dünya əhəmiyyətli dərəcədə dəyişəcək. Ѕсhmіdt bu dövr üçün üç əsas itici qüvvə müəyyən edib. Onlardan birincisi süni intellekt sorğularıdır. Süni intellekt sorğular nəticəsində daim öyrənir və təkmilləşir. İndi isə gündə milyonlarla sorğu göndərilir.
İkinci hərəkətverici qüvvə olaraq isə o, inkişaf etmiş yaddaş deyə misal göstərib. Belə ki, süni intellekt yeni bir şey öyrənə bilən böyük bir dil modeli kimi müəyyən edilir. Məsələn, bütün kimya kitablarını oxumaqla, bəzi fərziyyələr irəli sürməklə və hətta bəzi sınaqlar aparmaqla süni intellektin məhsuldarlığı arta bilər. Məhz bütün bunları edə bilmək üçün isə süni intellekt mükəmməl yadaşa sahibdir. Üçüncüsü və Schmidt-ə görə ən vacibi “mətindən hərəkətə keçmək” zəkasının inkişafıdır. Məsələn istifadəçi süni intellektə “Mənə X üçün ĸod proqramı yazın” desə həmin kod anında yazılacaq. Habelə digər əmrlərin sadəcə mətn şəklində süni intellektə ötürülməsi onun hərəkətə keçməsinə kifayət edir.
Schimdt qeyd edir ki, “Bir nöqtədə bütün bu sistemlər o qədər güclü hala gələcək ki, agentlər (süni intellekt nəzərdə tutulur) qarşılıqlı əlaqəyə girməyə başlayacaq. Beləliklə, bütün süni intellekt modelləri yeni bir problemi həll etmək üçün güclərini birləşdirəcək”. Schimdt bu çərçivədə sadəcə 5-10 ilə ərzində süni intellekt modellərinin birləşərək öz dillərini yarada və hətta onları ümumiləşdirə biləcəyi barədə xəbərdarlıq edib.
