Yaxın aylarda təqdim edilməsi gözlənilən iPhone 16 seriyasının ekranını istehsal edəcək şirkətlər artı bəlli olub. Belə ki, Apple-ın iPhone 16 Pro ekranının kütləvi istehsalı üçün iki OLED panel təchizatçısına yaşıl işıq yandırdığı bildirilir. Beləliklə, ABŞ mərkəzli texnologiya nəhəngi ekran ehtiyacını 3 fərqli istehsalçıdan təmin edəcək.
Qeyd edək ki, Samsung Display dörd iPhone 16 modelinin hamısı üçün OLED ekran tədarük edərkən, LG Display Pro modellərə xüsusi ekranlar təmin edəcək. Bundan əlavə, BOE-nin iPhone 16 və iPhone 16 Plus üçün OLED ekranları təmin etməyə kömək edəcəyi gözlənilir. Beləliklə, deyə bilərk ki, iPhone 16 kütləvi istehsala keçir. Hesabatda bildirilir ki, Apple hələ iPhone 16 Pro Max üçün ekranların kütləvi istehsalını təsdiqləməyib, lakin bunun çox vaxt aparacağı gözlənilmir. iPhone 16 Pro Max OLED ekranının kütləvi istehsalı üçün təsdiq prosesi tezliklə Samsung Display və LG Display tərəfindən izləniləcək.
Samsung-un bu həftə ərzində təsdiq alması gözlənildiyi, lakin LG-nin iyunun ortalarına qədər keyfiyyət nəzarətindən keçməsi gözlənilmədiyi də hesabatda bildirilib. Habelə, Apple iPhone 16 Pro Max ekranında BRS kimi tanınan yeni ultra nazik çərçivə texnologiyasından istifadə etdiyi üçün təchizatçılar həddindən artıq qızma problemi yaşayırlar. Qeyd edək ki, həm iPhone 16 Pro, həm də 16 Pro Max-ın daha parlaq ekranlara sahib olacağı gözlənilir.
