Bildiyimiz kimi, hazırda yüzlərlə süni intellekt modeli mövcuddur. Ümumiyyətlə süni intellekt modelləri arasında ən yaxşılarını seçmək olduqca mürəkkəbdir. Bunun əsas səbəbi müəyyən meyarın olmamasıdrı. Nə qədər çətin proses olsa da, ən yaxşı süni intellekt modellərinin siyahısı hazırlanıb və bizə təqdim edilib. Qeyd edək ki, siyahının ilk sırasında məhz ChatGPT süni intelellekt çatbotunun əsasını təşkil edən GPT-4 dil modeli təşkil edir.
Beləliklə ən yaxşı süni intellekt modellərinin siyahısı hazırlanıb. Təəccüblü deyil ki, siyahının ilk sırasında məhz GPT-4 və GPT-3.5 dil modelləri dayanır. Siyahı əsasən dil modellərinin nəticələrinin düzgünlüyünə əsaslanır. Bu məlumatlara əsasən isə Vectara müxtəlif süni intellekt modellərini nəticələrinə görə sıralayıb. Qeyd edək ki, GPT dil modellərindən sonra Llama 2 70B, Llama 2 7B və Llama 2 13B dil modelləri gəlir. Daha sonra isə siyahı Cohere-Chat, Cohere, Mistral 7B, Anthropic Calude 2, Google Palm və Google Palm-Chat ilə davam edir.
Ümumiyyətlə bütün süni intellekt modelləri hallüsinasiya adlanan fenomeni əks etdirməyə meyllidir. Bəzən isə bu hallüsinasiyalar və ya uydurmalar o qədər zəif olur ki, onları çox asanlıqla aşkar etmək olar. Vectara tərəfindən nəşr olunan siyahıya görə GPT-4 ən yüksək dəqiqliklə ən yaxşı perfomansı sərgiləyib. Hətta süni intellekt modelləri arasında ən etibarsızı məhz Google Palm-Chat olub. Bu süni intellekt modellərində göstərici 27%-dən yuxarı olub.
