Bildiyimiz kimi, bu gün həm noutbuk həm də masaüstü kompüterlərdə əsas problem istilikdir. Bəzən termal məcunlar belə bu istilik probleminin qarşısını ala bilmir. İndi isə prosessorlardakı istilik problemini tamamilə aradan qaldıra bilən yeni bərk halda olan termal tranzistor təqdim edilib. Belə ki, San-Fransiskodakı Kaliforniya Universitetinin tədqiqatçıları elektron cihazlarda istiliyi daha yaxşı idarə etmək üçün istifadə oluna biləcək ilk bərk cisimli termal tranzistoru hazırlayıblar.
Qeyd edək ki, bu bərk halda olan termal tranzistor dayanıqlılığı və istiliyi idarə etmə qabiliyyəti ilə diqqətləri öz üzərinə cəlb edib. “Science” jurnalında dərc olunan araşdırmaya görə bu tranzistor kompüter prosessorlarının istilik idarəçiliyində yeni bir dövrün əsasını qoyacaq. Ümumiyyətlə istilik istənilən elektronikanın bir nömrəli düşmənidir. Elektrik və Elektron Mühəndislik İnstitutunun (IEEE) vurğuladığı kimi, istilik tarix boyu bir çox cihazın sıradan çıxmasına səbəb olub. Hazırda soyutma sistemi kimi ya məcunlar ya da, mayelərdən istifadə olunur. Lakin yeni tranzistor növü soyutma sistemlərində inqilabi yenilik də ola bilər.
Qeyd edək ki, ilk elektrik tranzistorları 1940-cı illərdə Bell Labs tərəfindən hazırlanıb. Lakin illər keçdikcə onun ölçüsü və dayanıqlılığı artmışdır. Hazırda isə milyardlarla tranzistor sadəcə bir çip sığdırılır. Ümumiyyətlə yeni tranzistor istilik problemlərini kökdən çözə bilər. Yeni bərk halda olan tranzistorlar adi termal tranzistorlardan 13 dəfə daha effektivdir. Analitiklərə görə bu texnologiya ilik inkişaf mərhələsindədir.
