Artıq “InMerge İnnovasiya Sammiti”nə bir aydan da az vaxt qalıb. Bəs PAŞA Holding tərəfindən təşkil olunan bu InMerge sammitinin ilk günündə kimlər çıxış edəcək və hansı mövzular müzakirə olunacaq?
Sammit telekommunikasiya, maliyyə texnologiyaları, rəqəmsallaşma və elektron ticarət kimi vertikalları özündə birləşdirir ki, bu vertikallar daxilində də müxtəlif mövzuda panellər baş tutacaq. Maliyyə texnologiyaları başlığı altında “Pollinate International” şirkətinin qurucusu Alastair Lukies CBE və “Bank of Israel”in ödəniş sistemləri üzrə rəhbəri Oded Salomy öz təqdimatlarını edəcək.
Onlarla yanaşı, “Kapital Bank”ın idarə heyətinin sədri Fərid Hüseynov, Qazaxıstandan “Halyk Bank”ın icraçı direktor müavini Zhumabek Mamutov və “OTP Bank”ın innovasiyalar üzrə direktoru Andras Fischer də bankçılıq ənənələri və neobanklar haqqında müzakirələr aparacaqlar.
“UnionBank of the Philippines”in baş data inzibatçısı David Hardoon isə süni intellektin bu sahədəki rolu ilə bağlı öz biliklərini bölüşəcək. Bunu da vurğulamaq lazımdır ki, sammitin birinci günü “Apple” şirkətinin həmtəsisçisi Steve Wozniak-ın təqdimatı ilə start götürəcək.
Telekommunikasiya vertikalında “Bakcell”in CEO-su Klaus Mueller, “Verizon” şirkətinin analitikalar üzrə mütəxəssisi Dr. Ansar Kassim iştirak edəcək. Panelin moderatorluğunu GSMA-nın strateji əlaqələr üzrə direktoru Tahir İsmayılov üstlənəcək.
Sammitin birinci günü yalnız spikerlərin çıxışları ilə kifayətlənməyəcək. Bu gündə həmçinin startaplar öz ideyalarını iştirakçılara təqdim edəcək və dünyaca məşhur ekspertlərin rəhbərliyində təlimlər baş tutacaq.
Qeyd edək ki, sammit iştirakçıların rahatlığını nəzərə alaraq “Brella” platformasından istifadəni də təmin edib. Belə ki, bu tətbiq vasitəsilə sammitə qatılacaq hər kəs gündəliklə yaxından tanış olmaq, digər qonaqlarla görüşlər təyin etmək və tədbir boyunca yeniliklərdən xəbərdar olmaq kimi imkanlar əldə edəcəklər.
“InMerge İnnovasiya Sammiti”ndə iştirak etmək üçün elə indi rəsmi veb-sayta — www.inmerge.az ünvanına keçid edərək biletləri endirimli qiymətə ala bilərsiniz.
