Elon Musk bu dəfə öz süni intellekt modeli olan Grok ilə bağlı inanılmaz qərar verib. Belə ki, məşhur milyarder Elon Musk Grok süni intellekt modelinin açıq qaynaq kodlarını hər kəs üçün əlçatan edib. Xatırladaq ki, Elon Musk ötən il süni intellekt tədqiqatları üçün xAI adlı şirkət qurmuşdu. Bu şirkət qurulduğu andan bəri məhz süni intellekt texnologiyaları çalışırdı. Hətta xAI şirkətinin ilk məhsulu da məhz ChatGPT rəqibi Grok-dur. Görünən odur ki, Elon OpenAI şirkətinə qarşı məhkəmə iddiasından sonra süni intellekt müharibəsindən qalib ayrılmaq üçün ən son addım olaraq öz süni intellekt modlinin açıq qanyaq kodlarını paylaşıb.
Süni intellektin gələcəyinə nəzarət etmək uğrunda mübarizə aparan dünyanın ən zəngin adamlarından biri olan Elon Musk, Grok süni intellekt modelinin açıq qaynaq kodlarını hər kəs üçün paylaşıb. Elmi-Fantastik romandan ilhamlanaraq kinayəli cavablar vermək üçün nəzərdə tutulmuş Grok, Maskın xAI adlı şirkətinin məhsuludur. Qeyd edək ki, X-in premium xüsusiyyətlərinə abunə olan istifadəçilər Grok-a suallar verə və cavab ala bilərlər.
Açıq qaynaq kodlarını hər kəs üçün istifadəyə verərək Musk üni intellekt dünyasında bunun texnologiyanı daha təhlükəsiz etməyə çalışdığını bir daha göstərib. Musk ötən gün öz X profilində bildirib ki, “Hələ görüləsi iş var, lakin bu platforma artıq ən şəffaf və həqiqət axtaran platformadır”. Həmçinin Musk iddia edib ki, belə mühüm texnologiya yalnız Google və OpenAI-nin yaxın tərəfdaşı olan Microsoft kimi texnologiya nəhəngləri tərəfindən idarə olunmamalıdır.
