Bu dəfə Apple şirkətinin bir neçə illik gələcək planları Samsung Securities mənbəsi tərəfindən ortaya çıxarılıb. Qeyd edək ki, Samsung Securities, Cənubi Koreya qrupun maliyyə xidmətləri və qiymətli kağızlar üzrə cavabdeh olan törəmə şirkətidir. Yeni ortaya çıxan planlar şirkətin SE4 ilə bağlı düşündüklərini, habelə, qatlanan iPhone modeli barədə müəyyən məlumatları aşkar edib. Maraqlısı budur ki, Apple şirkətinin qatlanan iPhone modeli ilə bağlı məlumat həm də, Cənubi Koreyada keçirilən Display Technologies Konfransında aparıcı araşdırma şirkətlərindən biri olan Omdia tərəfindən paylaşılıb. Hər iki məlumat da bir-biri ilə örtüşür.
Apple 2026-cı ildə qatlana bilən iPhone təqdim etməyi düşünür
Samsung Securities adlı şirkət tərəfindən ortaya çıxarılan Apple şirkətinin gələcək planları 2023-2027-ci illəri əhatə edir. Belə ki, 2023-cü ildə baş verən bütün yeniliklər, yəni, periskop kamersı, 8GB DRAM, Titanium çərçivə kimi yeniliklər bu planda yer alıb. Bundan əlavə, şirkətin Vision Pro-nu və 11, 13 düymlük OLED iPad təqdim ediləcəyi tarix kimi də 2024- qeyd olunub. Bura qədər hərşey bizə məlum olsa da, bunda sonrakılar artıq şirkətin gələcək planlarını əks etdirir. Qeyd edək ki, Apple brendi, 2025-ci ildə üçlü 48MP kameraya sahib iPhone SE4 modelini təqdim edəcək. Habelə, bu cihaz 6.1 düymlük OLED ekrana sahib olacaq. yeni SE4 OIS dəstəkli 48MP selfie kamerasına da sahib olacaq.
Gələcək planları arasında ən çox diqqət çəkən isə, 2026-cı ildə Apple şirkətinin ilk qatlanan iPhone modelini təqdim edəcəyi ilə bağlı olan məlumatdır. LLW DRAM texnologiyasına malik, 6 və 8 düymlük çərçivəyə sahib olacaq ilk qatlana bilən iPhone hələ 2 ilə təqdim ola bilər. Qeyd edək ki, eyni ildə Apple 8.4 və 10.9 düymlük yeni OLED iPad Air və Mini modellərini təqdim edəcək. Son olaraq 2027-ci ildə isə Apple qatlana bilən iPad və AR eynəkləri təqdim etməyə hazırlaşır. Qatlana bilən iPad modelinin 20 düymlük ekrana və MicroOLED texnologiyasına sahib olacağı bildirilir.
