Dünyanın ən məşhur sərinləşdirici içki istehsalçısı Coca-Cola süni intellektlə tamamilə fərqli dizayna və tərkibə sahib olan yeni içki hazırlayıb. Hazırda bir çox şirkət süni intellekt texnologiyasından istifadə edir. Lakin ilk dəfə olaraq Coca-cola şirkəti süni intellektdən istifadə edərək yeni məhsul hazırlayıb. Belə ki, Y3000 adlanan yeni içki şirkətin ilk futuristik ləzzəti kimi təsvir edilib. Əslində hər il şirkət fərqli dizayna sahib içki hazırlayırdı. Lakin illərdir Coca-Cola içkilərinin formulu və ya tərkibi dəyişmirdi. İndi isə şirkət istisnalar edərək fərqli dadda içki hazırlayıb.
Beləliklə Coca-Cola tərəfindən süni intellektlə dizayn edilən və tərkibi hazırlanan içki Y3000, sadəcə məhdud sayda buraxılacaq. Həmçinin yeni Y3000 içkisinin aroması iki mərhələdə aşkar edilmişdir. Əvvəlcə şirkətin tədqiqatçıları istehlakçıların zövqləri haqqında məlumat toplayıblar. Daha sonra isə bu məlumatlar süni intellektə əsaslanan sistemə əlavə edilib. Onu da qeyd edək ki, Coca-Cola yeni içkinin dadı ilə bağlı heç bir açıqlama verməyib. Lakin bu içkinin 2 versiyada şəkərli və şəkərsiz olaraq istehsal ediləcəyi artıq məlumdur.
Parlaq gələcəyi simvolizə edən qeyri-adi qablaşdırma dizaynı da süni intellektin köməyi ilə yaradılıb. Belə ki, qablaşdırmada olan bütün rənglərin öz mənası da var. Həmçinin gümüş fonda bənövşəyi, bənövşəyi və mavinin açıq tonlu rəng palitrasından istifadə futuristik hiss yaradır. Coca-Cola şirkətinin qlobal strategiya üzrə baş direktoru Oana Vlad bildirib ki, yeni layihə süni intellektin içi sənayəsində necə istifadə oluna biləcəyini göstərir. Habelə o bildirib ki, “Biz ümid edirik ki, Coca-Cola 3000-ci ildə də bugünkü kimi məşhur və təravətləndirci olacaq, ona görə də biz gələcək Coca-Cola-nın nə kimi dad verə biləcəyini və onun hansı təcrübələr açacağını tapmaq üçün özümüzə meydan oxuduq”.
