OpenAI-nin məşhur ChatGPT çatbotu bu dəfə yeni bir xəbər ilə gündəmə gəldi. Tayland sosial mediasında yayılan videoda Patthawikorn Boonrin adlı texnologiya həvəskarının ChatGPT süni intellektinin köməyi ilə lotereya qazandığı iddia edilir. O, hətta sistemin müəyyən parametrlərlə hesablamalar əsasında bir sıra uduşlu nömrələr yaratmağa necə imkan verdiyini göstərdi.
Taylandın şimal-şərqindəki Ubon Ratchathani şəhərində yaşayan Patthawikorn Boonrin ChatGPT-dən bir sıra hesablamalar apararaq onun üçün uduşlu lotereya nömrələrini təxmin etməsini istədi. Bunun üçün o deyir ki, chatbot-a bir neçə hipotetik (analitik hesablamalara əsaslana) sual verir və son onillikdə qazanılan nömrələrin tarixi statistikasına daxil olur.
Qarşılıqlı dialoqlardan sonra ChatGPT botu taylandlı şəxsə 57, 27, 29 və 99 nömrələrini təqdim edib. Çatbotun təqdim etdiyi nömrələr Boonrinə pul qazandırsa da, bu o qədərdə böyük bir məbləğ deyildi. Taylandlı istifadəçi süni intellektin proqnozu sayəsində cəmi 2000 Tay bahtı (59 dollar) qazanıb.
Lotereyadan qazanılan pul yüksək məbləğ olmasa da, bunun mümkün olduğunu göstərən hadisə sosial mediada istifadəçiləri təəccübləndirmək üçün kifayət etdi. Taylandlı Patthawikorn Boonrin TikTok hesabı ilə təcrübələrini nümayiş etdirməyə davam edəcək. Bir insanın yalnız süni intellektdən istifadə edərək bəxtini sınaya bilməsi bir çox insanın süni intellektdən istifadə edərək asan pul qazanmaq ümidlərini artırdı. Bununla belə, bir istifadəçi Boonrinin ChatGPT ilə etdiklərinin “Excel və ya kalkulyator” ilə də edilə biləcəyini və bu yolla da lotereya qazanmaq ehtimalının olduğunu şərh edib.
Patthawikorn Boonrin hətta yerli bir xəbər agentliyinə dedi ki, lotereya nömrələri yaratmaq üçün ChatGPT-dən ilk dəfə istifadə etmir. O, həmçinin paylaşıb ki, tez pul qazanmaq ümidi ilə çatbot-a müraciət edəndə, ChatGPT ona lotereyada udmağın bəxtlə bağlı olduğunu xatırladıb.
