Sürətlə məşhurlaşan və hərkəs tərəfindən istifadə edilən süni intellekt əsaslı ChatGPT çatbotu bu dəfə yalan məlumat verib. Belə ki, ABŞ-da Stephe Schwartz adlı bir vəkil məhkəmə işində istifadə etmək üçün ChatGPT çatbotundan məlumat alıb. Lakin süni intellekt çatbotunun verdiyi məlumatların yalan olduğu ortaya çıxıb. Bununla da vəkil öz lisansını itirmək təhlükəsi ilə üzləşib. Qeyd edək ki, süni intellekt çatbotu insanların istədiyi suallara cavab versə də bəzən xəyali məlumatları təqdim edir. Bunun əsas səbəbi isə süni intellekt çatbonun internet bağlantısı olmamasıdır.
Qeyd edək ki, Robert Mata adlı şəxs 2019-cu ildə Avianca aviaşirkətinə məxsus uçuş zamanı servis arabasının ona dəyməsi nəticəsində zədələndiyi üçün şirkəti və işçiləri məhkəməyə verib. Bu səbəbdən isə Robert Levidow və Oberman hüquq firmasının vəkili olan Stephe Schwartz-a müraciət edib. Stephe Schwartz artıq 30 ildən çoxdur ki, Nyu-York şəhərində vəkillik edir. Bir çox oxşar məhkəmə işlərində qalib gələn vəkil həyatında ilk dəfə ChatGPT süni intellekt alətindən istifadə edib. Belə ki, vəkil ChatGPT alətindən sübutların toplanması üçün müraciət etsə də, süni intellekt aləti ona yalan məlumatlar verib. Lakin vəkil bunun fərqində olmadan məlumatları hakimə subut adı ilə təqdim edib.
Aviance aviaşirkətinin vəkilləri isə sübutların saxta olmasından şübhələndikləri üçün onların dəqiqləşdirilməsini tələb edib. Qısa araşdırmadan sonra məlum olub ki, ChatGPT çatbotundan əldə edilən sübut xarakterli məlumatlar yalan məlumatlardır. Bundan sonra isə hakim Kevin Castel vəkilə söz verib. Vəkil isə çıxılmaz vəziyyətdə qaldığı üçün ChatGPT alətindən istifadə etdiyini etiraf edib. Lakin vəkil həyatında ilk dəfə süni intellekt çatbotundan istifadə etdiyi üçün məlumatın saxta olmasından şübhələnmədiyini bildirib. Bu hadisədən sonra vəkil lisensizyasını itirmək təhlükəsi ilə üzləşib.
