Ötən həftə elan edilən yeni flaqman Snapdragon 8 Gen 3 prosessoru AnTuTu platfomasında sınaqdan keçirilib. Belə ki, çipset bazarının liderlərindən biri olan Qualcomm şrikətinin yeni çipseti rekord nəticə göstərib. Ümumiyyətlə 8 Gen 3 çipseti enerji səmərəliliyi cəhətdən sələfini qabaqlamağı bacarıb. Maraqlısı budur ki, yeni prosessor sələfindən həm daha səmərəli həm də daha güclüdür. Apple brendinin A16 Bionic çipseti ilə rəqabət edən Snapdragon 8 Gen 3 performans cəhətdən daha güclü ola bilər.
Qeyd edək ki, Qulacomm-un yeni flaqman çipseti Snapdragon 8 Gen 3 AnTuTu platformasında 1,771,106 xal toplayıb. Bununla da 2.000.000 bala yaxınlaşan ilk nəticə məhz bu prosessora aid oldu. Qeyd edək ki, yeni çipset 4 ədəd Cortex-A720 nüvəsi, iki ədəd Cortex-A520 nüvəsi və əsas yüksək performanslı iki ədəd Cortex-X4 nüvəsi ilə təchiz edilib. Yeni çipsetin A16 Bionic çipsetini performans cəhətdən qabaqlayacağı düşünülsə də, A17 Bionic ilə ciddi rəqabət aparacağı gözlənilir. Əlavə olaraq qeyd edək ki, yeni flaqman çipseti Geekbench platformasında da sınaqdan keçirilib. Belə ki, Belə ki, prosessor Geekbench 5-in bir nüvəli testi çərçivəsində 1700 xal, çox nüvəli testi çərçivəsində isə 6600 xal toplayıb. Qeyd edək ki, yeni çipsetin sələfi məhz 4750 xal toplamışdı. Sınaq nəticəsində məlum olub ki, Snapdragon 8 Gen 3 çipseti sələfindən 30% daha sürətlidir.
Qualcomm şirkətinin yeni flaqman çipseti olan Snapdragon 8 Gen 3 Xiaomi brendinin gələn aylarda təqdim edəcəyi Xiaomi 14 smartfonunda istifad oluna bilər. Həmçinin Samsung brendi də yeni Galaxy S24 modellərində flaqman çipsetdən istifadə edə bilər. Qeyd edək ki, Xiaomi brendi həmçinin ilk qatlanan modeli olan Flip 5 modelində də Snapdragon 8 Gen 3 çipsetindən istifadə edə bilər. Ümumi olaraq deyə bilərik ki, ortaya çıxan nəticələrdən sonra bir çox smarfon brendi flaqman modellərində yeni çipsetdən istifadə etmək istəyəcək. Çünki yeni çipset hal-hazırda bazardakı ən güclü prosessordur.
