iPhone 15 seriyasının təqdim edildiyi gün iPhone 12 ilə bağlı gözlənilməz bir xəbər gündəmə gəldi. Belə ki, iPhone 12 modelinin SAR dəyərinin yüksək olduğu iddia edilir. Agence Nationale des Fréquences (ANFR) tərəfindən elan edildiyinə görə, aşkar edilmiş yüksək SAR dəyəri Apple-ın Fransada iPhone 12-ni satmasına məhdudiyyət qoyur.
Ölkənin radiotezliklər üzrə tənzimləyici orqanı modelin satışdan çıxarılması və hazırda satılan iPhone 12 modellərinin sazlanması üçün şirkətə rəsmi bildiriş göndərib. Fransadakı qərar çərçivəsində iPhone 12-ni qanuni SAR dəyərləri daxilində gətirmək üçün 15 gün vaxtı var. Üstəlik bunu, yeniləmə ilə etməli olan Apple, daha əvvəl SAR ilə bağlı gündəmdə olan bir şirkət deyildi.
Apple bu yeniləməni 15 gün ərzində etməsə, Fransa şirkətə məhsulları geri çağırmağı əmr edə bilər və bu qərar gələcəkdə bütün Avropaya yayıla bilər. Bu da milyonlara smartfon satmış şirkət üçün fantastik bir tələbdir. SAR məsələsi adətən Çin telefonları ilə gündəmə gəlir və çox vaxt son istifadəçi heç vaxt maraqlanmır.
Smartfon istifadəçilərini mümkün qədər təhlükəsiz istifadə ilə təmin etmək üçün SAR (Specific Absorption Rate) standartı yaradılmışdır. Bu elektromaqnit enerjisinin tipik udma əmsalıdır. Yəni “SAR” insan bədəninin hüceyrələri tərəfindən udulan elektromaqnit enerjisinin faizini göstərir. Hər bir smartfon modelinin fərqli SAR (Specific Absorption Rate) səviyyəsi var. SAR göstəricisi nə qədər yüksək olarsa, cihaz bir o qədər təhlükəli hesab olunur. Almaniyanın Radiasiyadan Mühafizə İdarəsi tərəfindən verilən məlumata əsasən, SAR göstəricisi 1 kg üçün 2 Vt-dan çox olmamalıdır. Əgər göstərici çoxdursa, o zaman cihaz təhlükəli hesab olunur. Əksər modellrin SAR səviyyəsi 1,50 Vt/kg keçmir. Avropa ittifaqının standartlarına görə 2,00 Vt qədər SAR dəyəri təhlükəsiz hesab olunur.
Qəribəsi odur ki, Apple onsuzda iPhone 15 təqdimatından sonra cihazları satışdan yığışdıracaqdı. Lakin Fransanın sanki, son ana qədər gözləməsi və Apple-ın elə bu cihazları yığışdırdığı ərəfədə bu qərarı verməsi şübhə doğurub.
