Rusiya prezidenti Vladimir Putin Tesla və SpaceX-in baş direktorunun Ukrayna pilotsuz təyyarələrinin Krımda Rusiya hərbi gəmilərini batırmasının qarşısını alması üzə çıxdıqdan bir neçə gün sonra Elon Musk-a tərif edib. Putin bu sözləri Vladivostokda keçirilən Şərq İqtisadi Forumunda Rusiyanın kosmik proqramı haqqında danışarkən deyib.
“Elon Musk, şübhəsiz ki, qeyri-adi bir şəxsiyyətdir. Düşünürəm ki, o, bütün dünyada daha da çox tanınacaq. O, aktiv və istedadlı iş adamıdır”.
Rusiya prezidentinin açıqlamaları dünyanın ən zəngin adamı olan Elon Musk haqqında çıxan xəbərlərdən sonra gəlib. Belə ki, Rusiya donanmasına yaxınlaşması ilə bağlı Krım sahilləri yaxınlığında peyk rabitəsini bağlamaq əmri verən Elon Musk bunu müharibəyə alət olmamaq üçün etdiyini qeyd etmişdi.
Mask daha sonra hadisə barədə X (Twitter) səhifəsində məlumat verdi. Onun sözlərinə görə, Ukrayna hökumət rəsmilərindən Rusiya donanmasının böyük hissəsini batırmaq məqsədi ilə Starlink-i Sevastopol qədər aktivləşdirmək üçün təcili istək gəldi. Lakin Elon Musk bildirir ki, onların xahişini yerinə yetirsəydim, SpaceX açıq şəkildə böyük bir müharibə aktında və münaqişənin eskalasiyasında iştirak edərdi.
Putin qeyd edib ki, Elon Musk ABŞ hökumətinin dəstəyi ilə biznes inkişaf etdirib. Ona görə Rusiya da ölkədəki belə ciddi bizneslərə dəstəyi inkişaf etməyə hazırdır. Keçən ay Rusiya Ayın qütb bölgəsini tədqiq etmək üçün 47 ildə ilk dəfə Aya roverini buraxdı. Ayın cənub qütbünə 10 günlük səyahətdən sonra Luna-25 eniş aparatı dəqiqləşdirilməmiş problemlərlə üzləşdi və nəticədə Ayın səthinə çırpıldı.
Putin Luna-25-in uğursuzluğuna baxmayaraq, Ayı tədqiq etməyə davam edəcəyinə söz verib. O, həmçinin digər qlobal kosmik proqramların da keçmişdə uğursuz missiyaları yerinə yetirdiyini tamaşaçılara xatırladıb. “Əlbəttə ki, Aya enişin uğursuzluğu təəssüf doğurur, lakin bu, proqramı bağlayacağımız anlamına gəlmir. İşimizə davam edəcəyik”.
