Samsung şirkətinin idarə heyətinin sədri Lee Jae-Yong rüşvət qalmaqalı ilə uzun müddət gündəmdə olmuşdu. Hətta məhz bu qalmaqaldan sonra Lee həbs də edilmişdi. İndi isə Samsung rəhbəri Lee Jae-Yong oxşar iddialar ilə yenidən həbs edilə bilər. Qeyd edək ki, o daha əvvəl hökümə dəstəyi müqabilində Cənubi Koreya Prezidenti Park Geun-Hye-yə birbaşa maliyyə dəstəyi göstərib. O cümlədən Lee dövlət başçısının başqa bir yaxın dostunun qurduğu quruma 25 milyon dollara yaxın ödəniş edib. Məhz bu ödənişin sosial mediada ortaya çıxması isə qalmaqalın əsas başlama səbəbi olmuşdu. Ümumiyyətlə bu qalmaql yalnız Lee-yə deyil Samsung şirkətinə də mənfi təsir etmişdi. İctimaiyyət şirkəti rüşvət ilə tənqid etmişdi.
İndi isə 15 avqust tarixində Milli Müstəqillik günü münasibəti ilə əfv edilən 1691 məhbusdan biri olan Lee Jae-Yong yenidən həbs ilə qarşı-qarşıyadır. Qeyd edək ki, Samsung rəhbəri Lee bu dəfə də səhm qiymətlərinin manipulyasiyası və mühasibat sənədlərində edilən saxtakarlıqlarla gündəmdədir. Hətta Samsung şirkətinin rəhbəri Lee Jae-Yong bu iddialara görə 5 il yenidən həbs edilə bilər. Əgər bu iddiada öz nəticəsinə çatarsa Lee 3-cü dəfə dəmir barmaqlıqlar arxasında olacaq.
Qeyd edək ki, Lee Jae-yong daha əvvəl baş verənlərə görə açıq şəkildə ictimaiyyətdən üzr istəmişdi. “Samsung”un binasında jurnalistlərin qarşısına çıxan Lee baş verənlərdən peşman olduğunu üç dəfə əyilməklə nümayiş etdirmişdi. Ümumiyətlə Lee 2014-cü ildə atası Lee Kun-Hee infarkt keçirdikdən sonra Samsung şirkətinin başına keçmişdi. Məhz bu qalmaqallar da onun idarəni ələ almasından sonra başlayıb.
