Realme məşhur GT seriyasının ən son üzvü olan Realme GT 5 modelini rəsmi olaraq təqdim etdi. Snapdragon 8 Gen 2 çipsetli ən ucuz telefon olan Realme GT 5 eyni zamanda rəqabətcil xüsusiyyətləri ilə də diqqət çəkir. Smartfon ümumi texniki xüsusiyyətlər baxımından standart imkanlara malik olsa da ən çox bir vacib yenilik ilə fərqlənir. Belə ki, fərqlilik Burning Mode adlanır.
Smartfon öz gücün Snapdragon 8 Gen 2 çipsetindən aldığından çox güclüdür. Lakin Realme Burning Mode xüsusiyyəti ilə çipsetin tezliyini maksimum tezliyə sabitləyə bilir. Beləliklə, performans bir növ ən maksimum dəyərlərə sabitlənmiş olub sürətaşırdılmış vəziyyətdə çipsetin işləməsinə məcburiyyət yaradır. Təbii ki, isinmə və digər yarana biləcək problemlər üçün bu rejimin xarici bir soyutma cihazı işlədilməsi tövsiyə edilir.
Realme GT5 1.5K təsvir ölçülü, 144Hz yeniləmə tezliyi ilə 6.74 düymlük OLED ekrana malikdir. Telefon həmçinin daha yaxşı vizual təcrübə üçün PixelWords tərəfindən hazırlanmış X7 ekran çipinə malikdir. Ekran maksimum 1400 nit parlaqlıq, 2160 PWM qarartma tezliyi və 93,7% ekran-gövdə nisbəti təklif edir. Pixelworks X7 nədir desəniz, texniki baxımdan yüksək güclü ekran panellərinin görüntüləri optimal şəkildə işləməsində cihazlara quraşdırılır.
Snapdragon 8 Gen 2 prosessoru ilə təchiz edilmiş Realme GT 5-in top modeli 24 GB RAM (LPDDR5), 1 TB yaddaş sahəsi (UFS 4.0) təklif edir. Batareyanın tutumu və doldurma sürəti baxımından iki fərqli variant mövcuddur. Biri 150 Vatt sürətli şarjı dəstəkləyən 5240 mAs batareya ilə təchiz edilmiş modeldir ki, standart sayılır. Bu model 18 dəqiqəyə tam doldurulur. Digərində isə 4600 mAs batareya var, lakin 240 vatt sürətli şarjı dəstəkləyir. Bu model 9 dəqiqə 30 saniyəyə 100% enerji toplamağı bacarır. İstilik 20,827 mm² buxar kamerası olan 9 qatlı soyutma sistemi ilə idarə olunur.
Realme GT 5 arxa tərəfində üçlü kamera konfiqurasiyasına malikdir. OIS dəstəkli Sony IMX890 sensorlu 50MP əsas kamera 8MP ultra geniş bucaqlı və 2MP makro kamera ilə müşayiət olunur. Ön tərəfdə 16MP kamera da var. Ekranda barmaq izi oxuyucusu olan telefon Android 13 əsaslı Realme UI 4.0 interfeysi ilə təchiz edilib ki, bu da 76 proqramı arxa planda işlətməyə imkan verir deyə Realme qeyd edir. Realme GT 5 sentyabrın 4-də Çində gümüş və yaşıl rəng seçimlərində satışa çıxarılacaq. Realme GT 5 başlanğıc qiyməti 411 dollar təşkil edir.
