Huawei bu gün hər kəsi təəccübləndirərək böyük bir tədbir olmadan Mate 60 Pro modelini təqdim etdi. Yeni smartfonu artıq şirkətin Çində əvvəlcədən sifariş etmək mümkündür. Güclü xüsusiyyətləri ilə seçilən Huawei Mate 60 Pro dizayn baxımından olduqca qəribə dizayn ilə gəlir. Mate 60 Pro, ön tərəfdən baxdıqda çox nazik, simmetrik və qıvrımlı çərçivələrə malik bir cihaz kimi seçilir. Cihazın arxasında da əvvəlcədən bizlərə tanış olan dairəvi kamera modulu mövcuddur. Bu dizayn dili cihazın arxa qapağında da davam etdirilir. Lakin ən əsas məsələ selfi kamerasına baxıdqda ön tərəfdə 3 fərqli modulu gördüyünüz zaman ortaya çıxır. Onu gizlədən isə inanılmaz görünsə də Apple şirkəti kimi ekranda yaradılan dinamik adadır. Bəli, əslində bu xüsusiyyət ilk dəfə 2018-ci ildə Huawei tərəfindən Honor View20 modelində istifadə olunduğundan Huawei şirkətinə heç bir şey deyilə bilməz. Lakin yenə də yenilik diqqət çəkib.
Mate 60 Pro modelinin ekranı 2720 x 1260 piksel təsvir ölçüsü və 120 Hz adaptiv yeniləmə sürəti təklif edir. Bu 6,82 düymlük ekran texnologiya olaraq 10 bitlik LTPO OLED panelə əsaslanır. Mate 60 Pro həmçinin, ikinci nəsil Kunlun Glass qorumasına malikdir. Gorilla Glass əvəzinə Huawei şirkətinin özü tərəfindən təkmilləşdirilən bu qoruyucu şüşə olduqca dayanıqlı olması ilə fərqlənir.
Dizayn baxımından olmasa da, ekranın yuxarısındakı üç dəlik Mate 40 Pro və Mate 50 Pro-da gördüyümüz eyni quruluşa malikdir. Üzün tanınması üçün 3D sensor və lazerlərə əlavə olaraq, bu bölmədə 13 MP ultra geniş selfi kamerası yerləşir. Kameralardan söz düşmüşkən, XMAGE üçlü kamera sistemi cihazın arxasındakı kamera modulunda yerləşir. Huawei şirkəti əsas kamera yerinə, 50MP IMX766 əsaslı özəlləşdirilmiş RYYB sensoruna malik və OIS ilə gücləndirilmiş super-optik kamera istifadə edir. Super-optik kamera isə nə az, nə çox tam olaraq F/1.4 – F/4.0 arası dəyişə bilən aktiv diafraqmaya malikdir. Ultra geniş bucaqlı kamerada 12 MP sensorlu f/2.2 obyektiv, üçüncü kamerada isə 48 MP telefoto obyektivi var. Həmçinin telefoto kamerası OIS və AF dəstəklidir. 48MP IMX688 əsaslı RYYB sensoru təkrarən istifadə edilir.
Huawei Mate 60 Pro Çində peyk mesajlaşmasını dəstəkləsə də, qlobala gəlməyəcəyindən çıxsa belə bir üstünlük deyil. 5000 mAs batareya ilə təchiz edilmişdir. Bu batareya 88 Vatt naqilli, 50 Vatt naqilsiz doldurmanı və hətta 20 Vatt tərs simsiz şarjı dəstəkləyir. Əməliyyat sistemi tərəfində ilk dəfə bu smartfonda gördüyümüz HarmonyOS 4.0 var. IP68 sertifikatına,
Ən əsas məsələ isə istifadə edilən çipsetlə bağlıdır. Smartfonda hansı çipsetin işlədildiyi bildirilmir. Çinlilərin verdiyi məlumata görə 7nm istehsal prosesi ilə hazırlanmış Kirin 9000s çipsetindən istifadə olunur. Bu çipset daxili 5G dəstəyinə sahibdir. Lakin sahib olduğu konfiqurasiya çox qarmaşıqdır. Eyni zamanda təqribi ~700.000 AnTuTu xalı toplaması günümüzün cihazlarından çox zəif performansa malik olduğunu göstərir. İddialara görə çipset 6 ədəd Cortex-A78AE nüvəsinə, 4 ədəd Cortex-A510 nüvəsinə sahibdir. Performansı təmin edən nüvələr isə 10 ədədə çatdığından paketləmə əlavə olaraq enerji səmərəli 2 ədəd Cortex-A34 ilə tamamlanmalı olub. Maleoon 910 adlı GPU isə cihazın qrafik performansını təmin edir. Nüvələrin və qrafik sürətləndiricinin tezlikləri, o cümlədən istehsal prosesinin hansı şirkət tərəfindən təmin edildiyi naməlumdur. Bəzi mənbələr çipsetin 5nm olduğunu desə də, Çinlilər çipsetin birbaşa yerli SMIC şirkətinin 7nm istehsal prosesini əldə etdiyi bildirir.
Bəlkə də AnTuTu testində GPU-nun aktivləşdirilə bilinməməsi performans nəticəsini aşağı göstərir. Təqribi nəticəsinin CPU ilə bənzər olduğunu fərz etsək yekun nəticə rəqiblər ilə müqayisədə ~800.000 və ya ~900.000 səviyyələrinə bəlkə də yüksələcəkdir. Lakin dəqiq bir detal heç bir mənbədə mövcud deyil. Huawei belə heç bir detalı rəsmi olaraq açıqlamır. Huawei Mate 60 Pro 12 GB RAM və 256 GB, 512 GB və 1 TB olmaqla üç yaddaş variantı ilə gəlir. Hazırda şirkətin saytında yalnız 12 GB RAM və 512 GB modellər təklif olunur. Bu variantın qiyməti təxminən 960 dollardır.
