WordPress platforması yenilənmə problemini aradan qaldırmaq və müştərilərə əsl rahatlıq hissi təklif etmək üçün yeni 100 illik domen qeydiyyatı planını elan edib. 100 illik domen qeydiyyatı populyar biznes və xidmətlər üçün “rəqəmsal irsi” təmin etmək baxımından yaxşı olsa da qiymət baxımından çox da hamı üçün uyğun olmayacaq.
WordPress.com həmçinin 100 illik planının şirkətin rəqəmsal aktivlərini, xüsusən də foto və videolar kimi medialarını qorumaq üçün təhlükəsizliyi təmin edən plan olmasını istəyir.
Ancaq fərdi müştərilərin diqqətini cəlb edəcək digər bir şey var, o da xərcdir. Bütün əsr boyu WordPress.com domen adını qorumaq 38.000 dollara başa gəlir. Bu, illik 380 dollara və ya aylıq taksitlərə üstünlük verənlər üçün demək olar ki, 32 dollara bərabərdir.
Lakin bu heyrətamiz qiymətə çoxlu və müntəzəm ehtiyat nüsxələri, qabaqcıl sahiblik, domeni və əlaqəli hesabı həmkarlara, varislərə təhvil vermək üçün 24/7 dəstək kimi bir çox üstünlük WordPress tərəfindən domen haqqından əlavə təklif edilir.
WordPress.com həmçinin öz müştərilərinə WordPress üçün üst səviyyə idarə olunan hostinq imkanı da verir. Şirkətdən 38.000 dollarlıq paketin bir hissəsi kimi hansı hostinq planının daxil olduğunu dəqiqləşdirmək xahiş edilsə də, şirkət bu sorğuya hazırda cavab verməyib.
