Microsoft şirkəti son vaxtlarda bəzi xəbərlərlə çox gündəmə gəldi. Bu xəbərlər arasında Microsoft şirkətinin Netflix şirkətini 190 milyard dollara almaq istəməsi, CharGPT süni intellekt əsaslı söhbət botunun Bing axtarış sisteminə inteqrasiyaya başlaması və həmçinin ChatGPT chatbotunu Microsft Office proqramlarına inteqrasiya etmək istəməsini yəqin ki, görmüsünüz. Windows əməliyyat sistemində təklif olunan bəzi funksiyalar artıq süni intellektə əsaslanıb. Lakin Microsoft şirkətinin bu istiqamətdə daha böyük planları var. Microsoft şirkətinin baş məhsul direktoru Panos Panay ötən günlərdə AMD-nin CES sərgisində əsas çıxışı zamanı süni intellektin Windows əməliyyat sisteminə inteqrasiyasından danışıb.
Panos Panay tərəfindən verilən məlumatlara görə, süni intellekt daha çox işə qarışdıqca, əməliyyat sistemində etdiyimiz hər şeyi yenidən kəşf etməyə başlayacağıq. Süni intellekt çox güclü və bir o qədər də faydalıdır. Eyni zamanda çox intensiv hesablama bacarığına malikdirlər. Ciddi iş yüklərini çox effektiv şəkildə emal edə bilirlər. Microsoft şirkətinin bu vaxtdan etibarən bulud servislərinə daha böyük sərmayə qoyacağını nəzərə alsaq, süni intellekt Windows əməliyyat sistemini ciddi miqdarda datanı bulud servisləri və kompüter arasında optimal əlaqəsinə imkan verəcək.
Microsoft baş məhsul direktorunun bu sözləri Windows 12 əməliyyat sisteminə, yoxsa 2020-ci illərin sonunda çıxacaq 2 nəsil sonrakı Windows versiyasına aid olacağı bilinmir. Bununla belə, onların dedikləri göstərir ki, Windows 12 əməliyyat sistemi ChatGPT kimi gələcəyin texnologiyaları ilə əsl süni intellekt mərkəzi ola bilər. Şirkətə yaxın mənbələr bildiriblər ki, Windows 12 əməliyyat sisteminin 2024 və ya 2025-ci ildə buraxılacağı gözlənilir. Əməliyyat sistemi üzərində iş artıq Microsoft şirkətində bağlı qapılar arxasında başlayıb. Ancaq gözləyib görə bilərik ki, şirkətin vəd etdiyi dərin süni intellekt inteqrasiyası bu versiyada istifadə olunacaqmı.
