Məşhur mesajlaşma tətbiqi olan WhatsApp ilə bağlı 2023-cü ilin ilk maraqlı yeniliyi ortaya çıxıb. Belə ki, istifadəçilərin WhatsApp ilə bağlı ən sevmədiyi xüsusiyyətlərdən biri mesajların messencer tərəfindən qorunmamasıdır. Məsələn, Telegram tətbiqində mesajlar lokal olaraq cihazlarda saxlamaq yerinə platformanın öz serverlərindən gəlir. Ona görə də tətbiqi silib geri yüklədikdə müəyyən tarixə qədər məlumatlarınızı geri yükləmək mümkün olur. WhatsApp isə ən yaxşı halda mesajları Google Drive kimi platformalar üzərinə sinxronizasiya edib, yeni cihaza keçid etdikdə dataları ordan geri yükləyə bilir. Bəziləri bunu təhlükəsizlik cəhətdən üstünlük kimi adlandırır. Lakin, olduqca qarmaşıq olan bu proses nə mesajları itməkdən qoruyur, nə də yeni cihaza mesajları köçürməyə imkan verir. Wabetainfo resursu tərəfindən verilən məlumata görə, WhatsApp tətbiqinə mesajları köçürməyi əhəmiyyətli dərəcədə asanlaşdıracaq yenilik gəlir. Köhnə cihazdakı WhatsApp tətbiqindən yeni cihazdakı WhatsApp tətbiqinə mesajları sadəcə QR kod oxutmaqla köçürə biləcəksiniz.
Bu yenilik tətbiqin WhatsApp 2.23.1.26 və 2.23.1.27 beta versiyalarında görülüb. İlkin mərhələdə Android cihazlarda test edilən yeniliyi işlətmək isə çox sadə olacaq. Mesaj transferi adlandıra biləcəyimiz yenilik olduqca rahat işləyir. Yeni smartfona messenceri quraşdırırsınız. Daha sonra WhatsApp tətbiqinə giriş etdikə QR skanı bölməsinə daxil olursunuz. Köhnə cihazdan isə söhbəti köçür bölməsindən QR kod ilə həyat keçir seçməklə proses tamamlanır. Bu xüsusiyyətin iOS modellərində təkmilləşdirmənin hansı mərhələsində olduğu naməlumdur. Lakin belə bir yenilik təkcə Android cihazları əhatə edə bilməyəcəyi üçün iOS modellərində də Beta mərhələsinin yaxın vaxtlarda ictimaiyyətə açıldığını görə bilərik. Yeniliyin hamı üçün istifadəyə veriləcəyi tarix isə naməlumdur.
