CES 2023 sərgisində bir çox fərqli və yeni texnologiyalarla qarşılaşdıq. Bu yeni texnologiyaların arasında ağıllı uşaq arabası da var idi. Adını almanca “şanslı uşaq” mənasını verən “Glückskind” sözündən götürən Kanadada yerləşən Glüxkind imzalı Ella, indiyə qədər istehsal edilən ən qabaqcıl texnologiyalardan biridir. Avtonom hərəkət edə bilən uşaq arabası Ella-nın ən maraqlı xüsusiyyəti budur ki, bu araba öz-özünə yol gedə bilir.
Ella hansı üstünlüklərə malikdir?
İçərisində mühərriklər olan uşaq arabası valideynlərə böyük bir nəzarət asanlığı təmin edir. Mühərriklərin dəstəyi sayəsində Ella-nı yoxuşa çıxarmaq və ya ərazidə hərəkət etdirmək daha asan olur. Bundan əlavə, Ella təhlükəsizlik yönümlü əyləc sisteminə də malikdir. Eniş vəziyyətlərində avtomatik əyləc edərək sürətini saxlaya bilən uşaq arabası öz başına qaldıqda avtomatik əyləc edib tam dayana bilir. Yuxarıda da qeyd etdiyimiz kimi bu arabanın ən diqqət çəkiçi tərəfi öz-özünə yol gedə bilməsidir.
Körpələrin, uşaqların arabaya minmək istəmədiyi və ya valideynin əllərinin dolu olduğu vəziyyətlər nəzərə alınaraq uşaq arabası Ella başqa bir infrastrukturu da özündə birləşdirir. Belə ki, cihaz 360 dərəcə skan edən daxili sensor sistemi ilə təchiz edilib. Ətrafdakı cisimləri hiss edərək ətrafa dəymədən təkbaşına gedə bilən uşaq arabası insanların daşıdığı smartfon vasitəsilə yaxınlığı hiss edir və beləliklə anadan, atadan çox da uzağa getmir. Digər maraqlı xüsusiyyət isə budur ki, valideyn fasilə etmək istədikdə arabanı “uşağımı yellə” rejiminə keçirə bilər. Bu rejim aktiv olduqda araba yavaşca irəli-geri hərəkət etməyə başlayır, yəni bir növ beşiyi yelləyir.
Uşaq arabası Ella neçəyə satılır?
Bu diqqət çəkici və valideynlər üçün olduqca əlverişli görünən arabaya sahib olmaq üçün Glüxkind veb saytına 149 dollar depozit ödəyərək indidən sifariş edə bilərsiniz. Ümumi alış qiyməti isə ABŞ-da 3.800 dollardan başlayacaq.
