Bir müddətdir ABŞ siyasətçilərinin müzakirə mövzusu olan TikTok məlumat paylaşımı ilə bağlı mühim etiraflar edib. TikTok tərəfindən ABŞ Senatına göndərilən məktubda Çindəki işçilərin “müəyyən şərtlər altında” məlumatları nəzərdən keçirdikləri bildirilib.
Ötən həftələrdə ortaya çıxan iddia nəticəsində TikTok-un ABŞ-dakı istifadəçi məlumatlarını Çinlə paylaşdığı bildirilib. Çindəki ByteDance işçilərinin ABŞ istifadəçilərinə məxsus məlumatlara daxil ola biləcəyi iddiası gündəmi şoka salıb. Məlum olub ki, ABŞ-dan kənar işçilərin, o cümlədən Çində yaşayan işçilərin məlumatlara çıxışı ola bilər. Lakin TikTok-un baş direktoru Shou Zi Chew tərəfindən yazılmış məktuba görə, işçilər məlumatları nəzərdən keçirməzdən əvvəl ABŞ-dakı təhlükəsizlik nəzarətindən keçirməlidirlər .
ABŞ-dan kənarda olan ByteDance işçilərinin məlumatlara çıxışı olsa da, TikTok onların kifayət qədər güclü məlumat təsnifat sisteminə və təsdiqləmə prosesinə sahib olduqlarını söylədi. Başqa sözlə, Çindəki işçilər məlumatı yoxlamaq üçün ABŞ-dakı nəzarət mərkəzindən icazə almalıdırlar.
Deyilir:
ABŞ xaricində olan işçilər, o cümlədən Çində yerləşən işçilər ABŞ-dəki təhlükəsizlik komandamız tərəfindən nəzarət edilən bir sıra möhkəm kibertəhlükəsizlik standartlarına və avtorizasiya təsdiqi protokollarına tabe olmalıdırlar. Yalnız bundan sonra TikTok ABŞ istifadəçi məlumatlarına daxil ola bilər.
TikTok-u App Store və Play Store-dan silmək üçün bir müddət əvvəl Apple və Google ilə əlaqə saxlanılmışdı. Xatırladaq ki, ABŞ istifadəçilərini təhlükəyə atacağı bildirilən proqram hələ də bütün dünyada aktivdir. Bəs siz bu mözvu haqqında nə fikirləşirsiniz? Fikirlərinizi bizimlə bölüşməyi unutmayın.
